fbpx
Miðvikudagur 23.apríl 2025
Pressan

Biden opnar hliðin að Mexíkó fyrir hælisleitendum

Kristján Kristjánsson
Þriðjudaginn 23. febrúar 2021 19:30

Tijuana í Mexíkó er hægra megin við girðinguna og San Diego vinstra megin. Mynd: Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Joe Biden, forseti Bandaríkjanna, hefur ákveðið að afnema „Vertu í Mexíkó“ stefnu Donald Trump, forvera hans í Hvíta húsinu, og heimila hælisleitendum að koma til Bandaríkjanna. Bandaríkin ætla að leyfa um 25.000 hælisleitendum, sem eru í Mexíkó, að fara yfir landamærin til Bandaríkjanna og vera þar á meðan hælisumsóknir þeirra eru til meðferðar. Með þessu hefur Biden tekið fyrsta skrefið í að afnema umdeilda stefnu Trump í málefnum innflytjenda og hælisleitenda.

Biden lofaði því í kosningabaráttunni að afnema stefnu Trump í málefnum innflytjenda og hælisleitenda, þar á meðal The Migrant Protection Protocols sem er í daglegu tali nefnt „Vertu í Mexíkó“ stefnan. Trump hratt henni í framkvæmd 2019 en markmiðið með henni var að stöðva straum flóttamanna og innflytjenda til Bandaríkjanna frá ríkjum í Suður- og Mið-Ameríku. Fólk sem var að flýja efnahagsvanda, pólitískan óróa og félagslegar aðstæður í heimalöndum sínum.

Með þessu var hliðunum lokað á hælisleitendur. Þeir urðu að bíða í Mexíkó eftir að mál þeirra væri tekið fyrir af dómstólum í Bandaríkjunum. Þetta var þvert á þau vinnubrögð sem höfðu verið stunduð áratugum saman. Rúmlega 65.000 manns voru sendir aftur yfir landamærin til Mexíkó þar sem fólkið átti að bíða eftir að mál þeirra væru tekin fyrir.

Ein af afleiðingum þessara aðgerða var að fólkið var beitt ofbeldi í mexíkóskum landamærabæjum og átti erfitt með að verða sér úti um lögmenn í Bandaríkjunum og að eiga í samskiptum við bandaríska dómstóla.

Í skýrslu mannréttindasamtakanna Human Rights Watch frá í janúar á þessu ári kemur fram að þessi stefna Trump hafi valdið því að mörgum hælisleitendum var stefnt í óþarfa hættu og hættu á alvarlegu líkamstjóni. Í viðtölum við hælisleitendur kom fram að þeir hefðu verið beittir ofbeldi, orðið fyrir kynferðislegri áreitni, mannrán komu við sögu sem og fjárkúganir, vopnuð rán og önnur afbrot. Í sumum tilfellum voru það mexíkóskir lögreglumenn sem voru gerendurnir.

Biden hefur áhyggjur af að aðgerðirnar muni ýta undir straum fólks til Bandaríkjanna og því verða aðeins þrjú hlið til Bandaríkjanna opnuð í byrjun. Í San Diego, í Brownsville í Texas og í El Paso í Texas. Hælisleitendur og innflytjendur verða að skrá sig á netinu, fara í kórónuveirusýnatöku í Mexíkó og síðan geta þeir gefið sig fram í einhverju af hliðunum þremur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Sæðisrugl – Eignuðust 25-75 börn vegna skorts á reglum

Sæðisrugl – Eignuðust 25-75 börn vegna skorts á reglum
Pressan
Í gær

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu
Pressan
Fyrir 2 dögum

Starfaði áratugum saman fyrir CIA og trúir því að Hitler hafi ekki látið lífið í neðanjaðarbyrginu – „Ef þú ætlaðir að fela Hitler, þá myndir þú gera það þarna“

Starfaði áratugum saman fyrir CIA og trúir því að Hitler hafi ekki látið lífið í neðanjaðarbyrginu – „Ef þú ætlaðir að fela Hitler, þá myndir þú gera það þarna“
Pressan
Fyrir 2 dögum

Fékk fjölskylduauðinn í arf þegar faðir hans lést – Síðan komst upp um hann

Fékk fjölskylduauðinn í arf þegar faðir hans lést – Síðan komst upp um hann
Pressan
Fyrir 3 dögum

Hver voru fórnarlömb Gilgo Beach morðingjans? – Þetta eru konurnar 7 sem Rex Heuermann er ákærður fyrir að hafa myrt

Hver voru fórnarlömb Gilgo Beach morðingjans? – Þetta eru konurnar 7 sem Rex Heuermann er ákærður fyrir að hafa myrt
Pressan
Fyrir 3 dögum

1968 ár stórra atburða: Stúdentauppreisn, geimferðir, stríð og morð

1968 ár stórra atburða: Stúdentauppreisn, geimferðir, stríð og morð
Pressan
Fyrir 4 dögum

Musk sendi áhrifavaldi einkaskilaboð og bað hana að eignast með sér barn – svo refsaði hann henni þegar hún sagði nei

Musk sendi áhrifavaldi einkaskilaboð og bað hana að eignast með sér barn – svo refsaði hann henni þegar hún sagði nei
Pressan
Fyrir 4 dögum

Ekki sjálfsagður réttur að heimsækja Bandaríkin heldur forréttindi

Ekki sjálfsagður réttur að heimsækja Bandaríkin heldur forréttindi