Rannsóknin var birt í European Urology. Hún stóð yfir frá 1992 til 2010 og tóku 31.925 karlar þátt í henni. Þeir skiluðu inn upplýsingum um hversu oft þeir fengu sáðlát í hverjum mánuði. Þeir svöruðu einnig spurningum um hversu oft þeir höfðu sáðlát í mánuði þegar þeir voru 20 til 29 ára, 40 til 49 ára og árið áður en rannsóknin hófst.
Samtals fengu upplýsingar um 480.831 æviár. Á meðan á rannsókninni stóð greindust 3.839 af körlunum með blöðruhálskrabbamein.
Vísindamennirnir báru upplýsingarnar um sáðlát karlanna saman við aðra þætti, til dæmis áfengisneyslu og matarvenjur.
„Við komumst að því að karlar, sem höfðu oft sáðlát, voru síður líklegir til að greinast með blöðruhálskrabbamein. Þessi stóra rannsókn gefur bestu sönnunina fram að þessu fyrir jákvæðum áhrifum sáðláts sem fyrirbyggjandi gegn blöðruhálskrabbameini,“ segja vísindamennirnir.
Ekki er vitað af hverju tíð sáðlát eiga þátt í að draga úr líkunum á blöðruhálskrabbameini en vísindamennirnir telja að hugsanlega „hreinsist“ eiturefni úr líkamanum við sáðlát.
Samkvæmt því sem fram kemur í rannsókninni þá eiga karlar að stefna að minnst 21 sáðláti í mánuði til að draga úr líkunum á blöðruhálskrabbameini. Sá fjöldi sáðláta dregur úr líkunum á að fá blöðruhálskrabbamein um 33%.
Önnur og þekkt ástæða fyrir blöðruhálskrabbameini eru matar- og drykkjarvenjur. Doktor James Blach sagði í tengslum við niðurstöður rannsóknarinnar að ef menn vilja halda sig frá skurðarborðinu og sleppa við blöðruhálskrabbamein þá eigi þeir að forðast fituríkan mat sem á sinn þátt í að valda þessu krabbameini.
Auk sáðláta er talið að lífrænt kaffi, tómatar og jurtafita vinni gegn myndum blöðruhálskrabbameins.
Algengustu einkenni blöðruhálskrabbameins eru blóð í sæði eða þvagi, þverrandi sæðismagn eða mjög lítið sæði, blöðrubólga, risvandamál, tíð þvaglát að næturlagi og stjórnlaus þörf fyrir að kasta af sér vatni.
