CBS News og fleiri bandarískir fjölmiðlar skýra frá þessu. Fram kemur að á sunnudagskvöldið hafi lögreglan skýrt frá því að ættingjar hafi fundið fólkið um klukkan 20 á laugardaginn og tilkynnt um málið til lögreglunnar.
Lögreglan segir að engin merki sé um að ofbeldi hafi verið beitt né um að brotist hafi verið inn í húsið. Lögreglan vinnur nú að rannsókn þess.
Shelly Clarkson, bæjarstjóri í Moorhead, sagði í samtali við Star Tribune að málið sé í alla staði hræðilegt og snerti enn meira við fólki en ella þar sem jólin séu skammt undan.
Nágrannar fjölskyldunnar sáu börnin síðast á föstudaginn en þau gengu í grunnskóla og menntaskóla í Moorhead.
Moorhead er nærri Fargo í Norður-Dakóta. Um 45.000 manns búa í bænum.
