fbpx
Mánudagur 31.mars 2025
Pressan

Þessu vinna bóluefnaframleiðendur að núna vegna Ómíkron

Kristján Kristjánsson
Fimmtudaginn 2. desember 2021 08:00

Bóluefni gegn kórónuveirunni. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Á sama tíma og Ómíkronafbrigði kórónuveirunnar breiðist út um heiminn vinna framleiðendur bóluefna gegn kórónuveirunni að ýmsum rannsóknum og tilraunum til að kanna hvernig hægt sé að bregðast við afbrigðinu og hvernig núverandi bóluefni vinna á afbrigðinu.

VG og Bild skýra frá þessu. Fram kemur að hjá BioNTech og Pfizer sé verið að bíða eftir niðurstöðum rannsókna og að svör muni berast í síðasta lagi eftir tvær vikur. Haft er eftir talsmanni BioNTech að fyrirtækið skilji vel áhyggjur sérfræðinga af afbrigðinu og því hafi strax verið hafist handa við að rannsaka afbrigðið. Þær rannsóknir muni veita svar við hvort þörf sé á að breyta bóluefni fyrirtækjanna til að laga það að afbrigðinu. Ef svo er þá verður hægt að breyta bóluefninu og afhenda fyrstu skammtana af því innan 100 daga.

Insider segir að hjá Moderna sé unnið að því að búa til nýja útgáfu af bóluefninu og sé hún sniðin að Ómíkronafbrigðinu. Í fréttatilkynningu, sem fyrirtækið sendi frá sér í síðustu viku, kemur fram að fyrirtækið vinni að því að prófa ýmsa möguleika til að geta brugðist við ef afbrigðið reynist ónæmt fyrir bóluefnum.

Allt frá því að afbrigðið uppgötvaðist í Suður-Afríku þann 24. nóvember hefur það vakið miklar áhyggjur víða um heim. Mörg ríki hafa gripið til hertra ráðstafana á landamærum sínum.

Alþjóðaheilbrigðismálastofnunin WHO segir að „miklar líkur séu á að afbrigðið dreifi sér enn frekar“ og að það „geti haft alvarlegar afleiðingar á sumum svæðum“.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Báru kennsl á líkið eftir sjö ár

Báru kennsl á líkið eftir sjö ár
Pressan
Í gær

Kínverjar vonast til að ókeypis mjólk leiði til fleiri barnsfæðinga

Kínverjar vonast til að ókeypis mjólk leiði til fleiri barnsfæðinga
Pressan
Fyrir 2 dögum

Voru að þrífa kjallara fjölbýlishúss þegar þau gerðu óhugnanlega uppgötvun

Voru að þrífa kjallara fjölbýlishúss þegar þau gerðu óhugnanlega uppgötvun
Pressan
Fyrir 2 dögum

Lík Hackman og eiginkonu hans bíða enn eftir að vera sótt

Lík Hackman og eiginkonu hans bíða enn eftir að vera sótt
Pressan
Fyrir 3 dögum

Evrópubúum er ráðlagt að búa sig undir það versta og koma sér upp neyðarbirgðum – Þetta er gott að hafa í töskunni

Evrópubúum er ráðlagt að búa sig undir það versta og koma sér upp neyðarbirgðum – Þetta er gott að hafa í töskunni
Pressan
Fyrir 3 dögum

Kafbátaferð breyttist í martröð – Að minnsta kosti sex látin og margir slasaðir

Kafbátaferð breyttist í martröð – Að minnsta kosti sex látin og margir slasaðir