Andrea Ammon, forstjóri ECDC, sagði að nauðsynlegt væri að grípa til harðra aðgerða. „Miðað við núverandi ástand dugir bólusetning ein og sér ekki til að koma í veg fyrir áhrif Ómíkron á faraldurinn því það er ekki tími til að gera neitt varðandi það bólusetningargat sem er enn til staðar,“ segir hún í fréttatilkynningu. 66,8% íbúa í ESB-ríkjunum auk Íslands, Noregs og Liechtenstein hafa lokið bólusetningu.
ECDC hækkaði í gær áhættumat Ómíkron og setti það í „mjög hátt“.
Ammon segir að auk þess að bólusetja eins marga og hægt er eins fljótt og hægt er þá þurfi að grípa til margra af þeim sóttvarnaaðgerðum sem voru notaðar síðasta vetur til að stöðva faraldurinn. Þar á hún meðal annars við notkun andlitsgríma, heimavinnu, að fólk forðist að vera í stórum hópum og gæti vel að handþvotti og noti handspritt.
„Það liggur á að grípa til harðra aðgerða sem geta dregið úr smitum og létt því mikla álagi sem er á heilbrigðiskerfinu og veitt viðkvæmustu hópunum vernd næstu mánuði,“ segir hún í fréttatilkynningunni og vísar til þess að margar spár gera ráð fyrri að Ómíkron sé að verða ráðandi í mörgum löndum.
