Verkefnið kostaði Simon 250.000 pund en það svarar til um 44 milljóna íslenskra króna. Hann fjármagnaði þetta með því að selja hlut sinn í viðburðafyrirtæki.
Verkefnið hófst fyrir um átta árum þegar Simon hófst handa við að byggja líkan af járnbrautarteinum og lestarstöð, Heaton Lodge Junction í Mirfield í West Yorkshire eins og þetta leit út 1983 þegar Simon var á barnsaldri. Teinarnir eru 2,5 km langir en líkan Simon er 61 metra langt.
„Þetta hófst allt með því að ég var vanur að eyða miklum tíma við Heaton Lodge, þegar ég var 12 ára, til að fylgjast með lestunum aka fram hjá. Ég átti góðar minninga rum þetta. Ég hafði ekki einu sinni áhuga á módellestum, þetta hefði alveg eins getað verið almenningsgarður eða verslun sem ég átti minningar um,“ sagði hann í samtali við Ladbible.
Hann sagði að módelið væri nákvæm eftirlíking að því svæði sem hann heimsótti svo oft á níunda áratugnum þegar fjöldi lesta ók þar um með kolafarma.
Það var algjör tilviljun að unnusta Simon komst að leyndarmáli hans. Hún fór í óvænta heimsókn í mylluna. Hún spurði hann hvar allt vínið væri og þá var hann kominn í þrot og varð að segja henni sannleikann. En það virðist ekki hafa hrætt hana að hann væri að sinna þessu áhugamáli sínu því þau eru trúlofuð í dag, tveimur árum síðar.
„Ég hitti Marie fyrir um tveimur árum og þegar við fórum að vera saman sagði ég henni að ég seldi vín. Það var meira sexí en að segja að ég væri að byggja módeljárnbrautarlest, það myndi venjulega hræða konur í burtu,“ sagði hann.
Til að geta gert svo nákvæmt módel af lestarteinunum sankaði Simon um 500 ljósmyndum frá 1983 að sér. Með þessu gat hann endurgert sérhvern runna og stein. Hann setti meira að segja sjálfan sig inn í módelið en það byggir hann á ljósmynd sem var tekin af honum sem barni þar sem hann hallar sér út yfir handriðið til að horfa á lestirnar.
Áhugasamir geta skoðað módelið fram til 21. desember en það er til sýnis í Wakefield‘s Market Hall.
