Nýjasta afbrigði kórónuveirunnar hefur komið sem stormsveipur í faraldurinn og hafa eflaust margir áhyggjur af því að smitast af því. Skurðlæknirinn Karan Rajan er þó með ráð fyrir þá sem hafa áhyggjur af því að smita af Ómíkrón afbrigðinu umtalaða.
Ekki er vitað til þess að Ómíkrón afbrigðið sé komið hingað til lands en Þórólfur Guðnason sóttvarnalæknir hefur þó sagt fólki að búast við því, það sé mjög erfitt að koma í veg fyrir að það sleppi inn um landamærin.
Karan Rajan segir fólki þó ekki að örvænta. „Fleiri stökkbreytingar þýðir ekki alltaf meiri hætta,“ segir hann í myndbandi sem hann birti á samfélagsmiðlinum TikTok. „Við erum bara ekki með nóg af gögnum um það hvort þessar stökkbreytingar séu að valda meiri veikindum eða þá hvernig nýju afbrigðin bregðast við bóluefnum.“
Þrátt fyrir að ekki sé vitað um þetta nýja afbrigði þá bendir Karan á að eitt er á hreinu. „Sama hvað gerist næstu vikur þá vitum við eitt og það er eitthvað sem við höfum séð með öll hin afbrigðin líka,“ segir hann og glöggir lesendur geta ábyggilega giskað á það sem Karan mælir með að fólk geri en það er að fara í bólusetningu.
„Bóluefnin munu áfram hjálpa að draga úr alvarlegum veikindum og innlögnum á spítala.“
Á meðan ekki er búið að kanna hversu nákvæmlega hættulegt þetta nýjasta afbrigði er þá er Karan með góð ráð. „Ef þið eruð ekki búin að fara í bólusetningu, farið í bólusetningu. Ef þið eruð búin að fá fyrri bólusetningarnar, farið í örvunarsprautu.“
@dr.karanrReply to @realmadrid.mclovin does anyone remember futurama? ##schoolwithdrkaran ##learnontiktok ##futurama
