Gotthard var handtekinn, grunaður um að hafa myrt Mariu, en hann var ekki samvinnuþýður við lögregluna og vísaði hvað eftir annað í ákvæði um þagnarskyldu presta þegar spurningar voru lagðar fyrir hann.
Hann var dæmdur í 15 ára fangelsi í sumar fyrir morðið á eiginkonu sinni og móður tveggja af fjórum börnum hans.
Lokalavisen í Frederikssund hefur fengið aðgang að niðurstöðum geðrannsóknar á honum og þar kemur fram að hann hafi hvað eftir annað borið fyrir sig þagnarskyldu presta þegar lögreglan yfirheyrði hann.
Hann sagði lögreglunni að áður en Maria hvarf hafi hún átt samtal við hann sem prest en ekki sem eiginmann, þetta hafi verið djúpt samtal um tilveruna. Af þeim sökum gæti hann ekki tjáð sig um það og vísaði í þagnarskylduna sem kveður á um algjöra þagnarskyldu prests um það sem skjólstæðingar hans trúa honum fyrir.
En í raun var hann að nota þagnarskylduna til að leyna því að hann myrti Mariu. Að lokum gafst hann þó upp og í júní játaði hann að hafa myrt hana þann 26. október á síðasta ári eftir mikla undirbúningsvinnu. Næstu 12 daga reyndi hann að losa sig við líkið en á sama tíma lék hann örvinglaðan eiginmann sem saknaði eiginkonu sinnar.
