Loftsteinar geta komið úr öllum áttum og á miklum hraða. Það getur því reynst erfitt að sjá þá áður en þeir lenda í árekstri við jörðina eða þjóta framhjá henni. Það var einmitt það sem gerðist sunnudaginn 31. október síðastliðinn. Þá þaut loftsteinn á stærð við ísskáp rétt framhjá jörðinni, yfir Suðurskautslandinu. Enginn sá hann koma.

Hann hefur fengið nafnið Asteroid 2021 UA1 og er þriðji stærsti hluturinn sem hefur farið framhjá jörðinni án þess að lenda í árekstri við hana. CNET skýrir frá þessu. Hann er um tveir metrar í þvermál og hefði ekki valdið miklu tjóni ef til árekstrar hefði komið því hann hefði að stærstum hluta brunnið upp í gufuhvolfinu.

Hann kom frá sólinni og því sáu stjörnufræðingar hann ekki. Hér fyrir neðan er hægt að sjá myndband af framhjáflugi hans.

Í nóvember á síðasta ári þau loftsteinninn 2020 VT2 framhjá jörðinni í aðeins 400 km fjarlægð en til samanburðar má nefna að Alþjóðlega geimstöðin er á braut um jörðina í 386 km hæð.

Í tístinu hér fyrir neðan er hægt að sjá hvernig framhjáflugið gekk fyrir sig.

Newly-discovered #asteroid 2021 UA1 missed Antarctica by only 3000 km Sunday evening.
It came from the daytime sky, so it was undiscoverable prior to closest approach.https://t.co/Y0zY7mAYue pic.twitter.com/R9VpMo2X9G

— Tony Dunn (@tony873004) October 27, 2021