fbpx
Fimmtudagur 13.mars 2025
Pressan

Mörgæs á villigötum – Fór óvart 3.000 kílómetra og endaði á Nýja-Sjálandi

Kristján Kristjánsson
Sunnudaginn 21. nóvember 2021 10:00

Pingu. Mynd:Harry Singh/Facebook

Ekki missa af Helstu tíðindum dagsins í pósthólfið þitt

Lesa nánar

Mörgæs, sem hefur fengið nafnið Pingu, villtist heldur betur af leið nýlega. Hún er af tegundinni Adélie en náttúruleg heimkynni tegundarinnar eru á Suðurskautinu. En Pingu villtist greinilega af leið og endaði á Nýja-Sjálandi, um 3.000 kílómetra frá náttúrulegum heimkynnum sínum.

Það var Harry Singh sem fann Pingu þegar hann var í göngutúr í Birdlings Flat sem er byggð sunnan við Christchurch. BBC hefur eftir honum að í fyrstu hafi hann talið að um leikfang væri að ræða en þegar Pingu hreyfði höfuðið hafi hann áttað sig á að svo var ekki.

Hann birti mynd af Pingu á Facebook og er ekki annað að sjá á henni en að Pingu sé einmana og á ókunnugum slóðum. „Hún hreyfði sig ekki í klukkutíma . . . og virtist örmagna,“ sagði Singh.

Hann hringdi í Thomas Stracke, sem hefur árum saman bjargað mörgæsum og aðstoðað þær við að komast aftur út í náttúruna, og bað um aðstoð. Stracke brá mjög þegar hann heyrði að um Adélie mörgæs væri að ræða því tegundin heldur aðeins til á Suðurskautinu.  Stracke og dýralæknir handsömuðu Pingu og fluttu i öruggt skjól.

Rannsókn leiddi í ljós að Pingu var aðeins undir kjörþyngd og glímdi við vökvaskort. Við þessu var brugðist með því að gefa mörgæsinni vökva og mat í gegnum rör.

Ætlunin er að sleppa Pingu á öruggri strönd á Banks Peninsula en þar eru engir hundar sem geta ógnað henni.

Þetta er í þriðja sinn sem Adélie mörgæs finnst á Nýja-Sjálandi. Ein fannst 1962 og önnur 1992.

Philip Seddon, prófessor í dýrafræði við Otago háskólann, sagði í samtali við The Guardian að ef Adélie mörgæsir fari að leggja leið sína til Nýja-Sjálands árlega þá sé það mikið áhyggjuefni. Þá hafi eitthvað breyst í sjónum sem við verðum að öðlast skilning og þekkingu á.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Bað gervigreind Elon Musk að reikna líkurnar á því að Trump sé rússneskur útsendari – Þetta var svarið

Bað gervigreind Elon Musk að reikna líkurnar á því að Trump sé rússneskur útsendari – Þetta var svarið
Pressan
Fyrir 2 dögum

Fyrrum hershöfðingi hjá NATO segir að þetta verði næstu skotmörk Pútíns á eftir Úkraínu

Fyrrum hershöfðingi hjá NATO segir að þetta verði næstu skotmörk Pútíns á eftir Úkraínu
Pressan
Fyrir 3 dögum

Teslueigendur fá það óþvegið – Mála Tesla-merki og nasistatengingu við heimili þeirra

Teslueigendur fá það óþvegið – Mála Tesla-merki og nasistatengingu við heimili þeirra
Pressan
Fyrir 3 dögum

Dularfullt hvarf manns sem sagðist vera að fara um borð í geimskip – Hefur ekki sést síðan

Dularfullt hvarf manns sem sagðist vera að fara um borð í geimskip – Hefur ekki sést síðan
Pressan
Fyrir 4 dögum

Hún hvarf sporlaust í skemmtisiglingunni – Síðan kom tölvupósturinn sem fékk mjög á foreldrana

Hún hvarf sporlaust í skemmtisiglingunni – Síðan kom tölvupósturinn sem fékk mjög á foreldrana
Pressan
Fyrir 4 dögum

Læknir varar við – Morgunkaffi getur valdið sársaukafullum viðbrögðum

Læknir varar við – Morgunkaffi getur valdið sársaukafullum viðbrögðum
Pressan
Fyrir 4 dögum

Heimskulegt uppátæki í skíðalyftu dregur dilk á eftir sér – Sjáðu myndbandið

Heimskulegt uppátæki í skíðalyftu dregur dilk á eftir sér – Sjáðu myndbandið
Pressan
Fyrir 4 dögum

Stuðningsmenn Trump úthúða dómara sem hann skipaði

Stuðningsmenn Trump úthúða dómara sem hann skipaði