fbpx
Laugardagur 08.mars 2025
Pressan

Gaf unnustunni ilmvatn – Það innihélt banvænt efni

Kristján Kristjánsson
Föstudaginn 19. nóvember 2021 06:03

Sérfræðingar að störfum við heimili Charlie Rowley. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Í júní 2018 fann Charlie Rowley pakka sem innihélt ilmvatnsglas. Hann gaf unnustu sinni Dawn Sturgess, 45 ára, ilmvatnið. Hún var hæst ánægð með það og efaðist ekki að um gott ilmvatn væri að ræða því flaskan hafði ekki verið opnuð. En 15 mínútum eftir að hún úðaði ilmvatni á sig var hún orðin veik. Hún lést átta dögum síðar.

Charlie á enn erfitt með að muna hvað gerðist þennan dag en hann veiktist sjálfur mjög mikið og má teljast heppinn að hafa sloppið lifandi frá þessu. Þetta gerðist heima hjá þeim í Amesbury sem er um 15 kílómetra norðan við bæinn Salisbury.

Þar áttu skelfilegir atburðir sér stað í mars 2018 sem tengjast máli Charlie og Dawn. Rússneskir leyniþjónustumenn reyndu að myrða Sergei Skripal, fyrrum liðsmann leyniþjónustunnar KGG, með því að eitra fyrir honum með taugaeitrinu Novichok. Eitrið er baneitrað og það þar sáralítið af því til að verða fólki að bana. Sergei og dóttir hans Yulia urðu fyrir eitrun en lifðu hana af. Rússar hafa alla tíð neitað að hafa staðið á bak við morðtilræðið en bresk stjórnvöld hafa lagt fram ansi góðar sannanir fyrir því fáir trúa neitunum ráðamanna í Kreml, nema kannski þeir sjálfir.

En svo aftur sé vikið að máli Charlie og Dawn þá man Charlie lítið eftir því sem gerðist vegna þeirra eitrunaráhrifa sem hann varð fyrir en hann man að ilmvatnið var í kassa sem var pakkað inn í sellófan. Hann man líka að hann geymdi flöskuna heima hjá sér í Amesbury og að hann og Dawn voru sannfærð um að ekkert væri að ilmvatninu þar sem flaskan hafði ekki verið opnuð. Þetta var þekkt ilmvatnstegund.

„Þetta er mjög skrýtið. Það er mjög óhugnanlegt að eitthvað geti verið gert svona úr garði og skilið eftir á almannafæri,“ sagði Charlie í samtali við ITV.

Charlie Rowley, í miðjunni, heimsótti rússneska sendiráði í Lundúnum í apríl 2019 ásamt bróður sínum (t.v.). Mynd:Getty

Þegar hann opnaði flöskuna sullaðist smávegis á hendur hans. „Þetta var eins og olía og ég lyktaði af því og það lyktaði ekki eins og ilmvatn svo ég þvoði það strax af mér og hugsaði svo ekki meira um þetta. Þetta gerðist svo hratt,“ sagði hann fyrir þremur árum. Líklega hefur handþvotturinn bjargað lífi hans en Dawn var ekki svo heppin. Aðeins 15 mínútum eftir að hún úðaði vökvanum á úlnlið sinn varð hún veik.

„Eftir tæpar 15 mínútur sagði Dawn að hún væri með höfuðverk og spurði hvort ég ætti verkjatöflur. Ég leitaði í íbúðinni og á meðan sagði hún að henni liði undarlega og neyddist til að leggjast í baðkarið en það fannst mér skrýtið. Ég fór inn á bað og fann hana alklædda og mjög veika í baðkarinu,“ sagði Charlie.

Þau fundust meðvitundarlaus á heimili þeirra þann 30. júní 2018 og voru strax lögð inn á sjúkrahús. Dawn lést átta dögum síðar en Charlie lifði af en var í lífshættu og meðvitundarlaus í margar vikur.

Priti Patel, innanríkisráðherra, tilkynnti í gær að yfirvöld ætli að rannsaka málið ítarlega.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Ökumaður dæmdur í 48 ára fangelsi eftir skelfilegt slys

Ökumaður dæmdur í 48 ára fangelsi eftir skelfilegt slys
Pressan
Í gær

Trump sagður ætla að reka 240 þúsund Úkraínumenn úr landi

Trump sagður ætla að reka 240 þúsund Úkraínumenn úr landi
Pressan
Fyrir 2 dögum

Sérfræðingar segja þessar fjórar veirur geta valdið næsta heimsfaraldri

Sérfræðingar segja þessar fjórar veirur geta valdið næsta heimsfaraldri
Pressan
Fyrir 2 dögum

Lík bresks kaupsýslumanns fannst í „ananaspoka“

Lík bresks kaupsýslumanns fannst í „ananaspoka“
Pressan
Fyrir 3 dögum

Myrti sex ára bandarísk-palenstínskan dreng – Sakfelldur fyrir hatursglæp

Myrti sex ára bandarísk-palenstínskan dreng – Sakfelldur fyrir hatursglæp
Pressan
Fyrir 3 dögum

Þrír bræður fóru til föður síns og sneru aldrei til baka – Snara, minnismiði og biblía fannst á heimili hans

Þrír bræður fóru til föður síns og sneru aldrei til baka – Snara, minnismiði og biblía fannst á heimili hans
Pressan
Fyrir 4 dögum

Vangaveltur um heilsufar Trumps út af stórum marbletti á hönd hans

Vangaveltur um heilsufar Trumps út af stórum marbletti á hönd hans
Pressan
Fyrir 4 dögum

Vita hver birti svakalegt myndband af Trump og Musk – Hefur afleiðingar fyrir viðkomandi

Vita hver birti svakalegt myndband af Trump og Musk – Hefur afleiðingar fyrir viðkomandi