NBC Connecticut skýrir frá þessu. Málið er nú til rannsóknar en Donna er grunuð um skjalafals og þjófnað. Hún falsaði meðal annars undirskrift eiginmannsins á mörgum ávísunum sem hann fékk sendar í pósti. Þannig gat hún leyst þær út en hún stýrði fjárhag hans alfarið.
Hún virðist hafa komist upp með þetta í 20 ár. New Haven Register segir að það hafi verið uppkomin dóttir mannsins sem áttaði sig á að Donna væri ekki öll þar sem hún væri séð. Hún fann skjöl, sem henni fundust grunsamleg, sem vöktu með henni grun um að Donna hefði svindlað á föður hennar.
Lögreglan í East Haven staðfesti að maðurinn og dóttirin hafi kært Donna í mars 2019. Þá hafi ítarleg rannsókn hafist og hafi Donna viðurkennt að hafa blekkt eiginmanninn og haft af honum fél.
„Maðurinn hennar vildi fara í bankann til að taka út peninga en hún sagði honum að þegar hann gerði það síðast hafi orðið mikil vandræði út af Alzheimers sjúkdómi hans. Þetta varð til þess að hann fór ekki í bankann af ótta við að niðurlægja sjálfan sig,“ sagði Gregory Borer talsmaður lögreglunnar.
Rannsóknin leiddi í ljós að Donna gerði þetta til að koma í veg fyrir að eiginmaðurinn uppgötvaði að hún hafði tekið peninga út af reikningi hans. Auk þess hafði hún veðsett margar af eignum hans. Hún segist hafa notað peningana til að hjálpa ættingjum sínum að greiða húsaleigu, bílalán og kaupa mat.
