Mynd úr safni. Mynd: EPA-EFE/Henning Bagger DENMARK OUT
Tveir voru stungnir með hníf í Álaborg á Jótlandi í Danmörku í nótt. Árásin átti sér stað við Ved Strand. Annar aðilinn var stunginn í brjóstið og er í lífshættu. Hinn var stunginn í fótlegg og er ekki í lífshættu.
Lögreglunni barst tilkynning um málið klukkan 04.28 að staðartíma. Fjölmennt lögreglulið er á vettvangi og stóru svæði hefur verið lokað.
Lögreglan hefur ekki viljað upplýsa hvort einhver hafi verið handtekinn vegna málsins.
