fbpx
Miðvikudagur 02.apríl 2025
Pressan

Telja sig hafa leyst 25 ára gamla sænska morðgátu – Unglingsstúlka var myrt

Kristján Kristjánsson
Miðvikudaginn 3. nóvember 2021 06:06

Malin Lindström

Ekki missa af Helstu tíðindum dagsins í pósthólfið þitt

Lesa nánar

Þann 23. nóvember 1996 steig Malin Lindström, frá Järved í Svíþjóð, upp í strætisvagn númer 147 en hún var á leið heim til vinkonu sinnar. En Malin skilaði sér aldrei á áfangastað og hún kom heldur aldrei aftur heim. Eftir mikla leit fannst lík hennar sex mánuðum síðar í skógi.

Málið hefur verið óleyst fram að þessu en nú telur lögreglan sig hafa leyst það. Sænska ríkisútvarpið segir að ný DNA-gögn hafi orðið til þess að lögreglan hafi nú beint sjónum sínum að ákveðnum manni en hann lá undir grun í málinu fyrir margt löngu.

Maðurinn, sem er nokkrum árum eldri en Malin, var handtekinn á sínum tíma og ákærður fyrir að hafa myrt hana. Hann var sakfelldur í undirrétti en hann áfrýjaði dómnum og var sýknaður af æðra dómstigi. Dómararnir töldu að ekki væru nógu sterkar sannanir fyrir að hann hefði myrt Malin.

En með nýrri tækni varðandi DNA-rannsóknir hafa ný gögn komið fram og maðurinn, sem er nefndur „Malinmaðurinn“ var yfirheyrður á nýjan leik nýlega. Ástæðan er DNA úr sæði sem fannst á buxum Malin og passar við DNA mannsins.

„Hann segist ekki hafa neina skýringu á af hverju hann sé tengdur við sæðisblettinn á buxum Malin, að erfðaefni hans hafi fundist á fórnarlambinu,“ sagði Mats Svensson, saksóknari, í samtali við Sænska ríkisútvarpið.

Expressen segir að í sumar hafi sérfræðingum tekist að finna DNA í sæði sem fannst á buxum Malin. Þetta DNA passaði við DNA úr „Malinmanninum“ þegar lögreglan rannsakaði blóðsýni sem var tekið úr manninum 1997.

Maðurinn neitar sök. Svensson sagði að nú verði öllum málsgögnum safnað saman og send til ríkissaksóknara sem muni væntanlega senda öll málsgögn til hæstaréttar fyrir áramót og mun rétturinn þá taka afstöðu til hvort gögnin séu þess eðlis að málið verði tekið upp á nýjan leik.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“
Pressan
Í gær

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 2 dögum

Hún var kölluð Lafði Dauði

Hún var kölluð Lafði Dauði
Pressan
Fyrir 2 dögum

Ný gögn frá NASA benda til að við eigum heima í svartholi

Ný gögn frá NASA benda til að við eigum heima í svartholi
Pressan
Fyrir 3 dögum

Sakamál: Brúðkaupsafmælið breyttist í martröð

Sakamál: Brúðkaupsafmælið breyttist í martröð
Pressan
Fyrir 3 dögum

Á að búa um rúmið á hverjum morgni?

Á að búa um rúmið á hverjum morgni?
Pressan
Fyrir 4 dögum

Mæðgur ákærðar – Létu barn bera rafmagnsól ætlaða hundum

Mæðgur ákærðar – Létu barn bera rafmagnsól ætlaða hundum
Pressan
Fyrir 4 dögum

Tekist á um hár Ásu og dóttur hennar fyrir dómstólum og skilnaðurinn næstum frágenginn – „Það er kominn tími til að halda áfram með lífið“

Tekist á um hár Ásu og dóttur hennar fyrir dómstólum og skilnaðurinn næstum frágenginn – „Það er kominn tími til að halda áfram með lífið“