fbpx
Föstudagur 04.apríl 2025
Pressan

Harmleikurinn þegar Alec Baldwin skaut Halyna Hutchins – Svona voru síðustu mínúturnar

Kristján Kristjánsson
Þriðjudaginn 2. nóvember 2021 07:04

Alec Baldwin. Mynd:EPA

Ekki missa af Helstu tíðindum dagsins í pósthólfið þitt

Lesa nánar

„Þá reikna ég með að ég taki byssuna upp, miði og segi: Bang!“ Þetta sagði Alec Baldwin nokkrum sekúndum áður en hann skaut Halyna Hutchins, kvikmyndatökukonu, til bana við upptökur á kvikmyndinni „Rust“ þann 22. október síðastliðinn.

Los Angeles Times skýrir frá þessu en blaðið hefur birt ítarlega grein um þennan hörmulega atburð og byggir hana á frásögnum vitna.

Baldwin vissi ekki að alvöru skot voru í skammbyssu sem hann átti að nota í einu atriði og af þeim sökum skaut hann Hutchins til bana og særði leikstjórann Joel Souza.

„Hvað í fjandanum gerðist?“ er Baldwin sagður hafa öskrað hvað eftir annað eftir að hann skaut úr byssunni.

„Hvað í helvíti var þetta? Þetta svíður!“ er Souza sagður hafa öskrað á hann á móti.

Vitni segja að Hutchins hafi dottið og verið gripin af samstarfsmanni og fossblætt hafi úr skotsárinu. Fólk hljóp til hennar öskraði í örvæntingu að hringja ætti í neyðarlínuna.

„Þetta lítur ekki vel út,“ sagði samstarfsmaður hennar við hana og hún svaraði að sögn: „Nei, þetta lítur ekki vel út, þetta er alls ekki gott.“ Skömmu síðar tók hún síðasta andardráttinn og lést.

Mörg þeirra vitna sem Los Angeles Times ræddi við segja að almennt séð hafi „öngþveiti“ ríkt við upptöku myndarinnar frá upphafi.

Rannsókn lögreglunnar stendur enn yfir og því mega vitni ekki tjá sig opinberlega um málið og njóta því nafnleyndar í umfjöllun blaðsins.

Eitt vitnið sagði að bæði Hutchins og Souza hafi fallið til jarðar þegar Baldwin skaut úr byssunni og strax hafi verið ljóst að þetta væri alvarlegt. „Ég leit á hana og sá gat sem blóð streymdi úr og síðan byrjaði fólk að öskra og það varð ringulreið,“ sagði eitt vitni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

1,5 milljónum mynda lekið frá stefnumótaöppum

1,5 milljónum mynda lekið frá stefnumótaöppum
Pressan
Í gær

Spænska lögreglan varar ferðamenn við – Gætið ykkar á 50 evru brellunni

Spænska lögreglan varar ferðamenn við – Gætið ykkar á 50 evru brellunni
Pressan
Fyrir 2 dögum

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 2 dögum

Leynileg hernaðarskjöl fundust á götu úti í Newcastle

Leynileg hernaðarskjöl fundust á götu úti í Newcastle
Pressan
Fyrir 3 dögum

„Breaking Bad“ aðdáandi handtekinn – Tók þættina sér til fyrirmyndar

„Breaking Bad“ aðdáandi handtekinn – Tók þættina sér til fyrirmyndar
Pressan
Fyrir 3 dögum

Meðhöfundur Adolescence bregst við „fáránlegri“ kenningu sem Elon Musk hefur dreift

Meðhöfundur Adolescence bregst við „fáránlegri“ kenningu sem Elon Musk hefur dreift
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Lyklaði bíl frá Teslu og er krafinn um yfir 100 milljónir í bætur

Lyklaði bíl frá Teslu og er krafinn um yfir 100 milljónir í bætur