Norður-Kórea hefur lengi verið í vandræðum með að brauðfæða alla landsmenn og hefur heimsfaraldur kórónuveirunnar aukið þennan vanda mikið.
Í skýrslunni kemur fram að það séu þeir landsmenn, sem eru nú þegar í verstu stöðunni og fá varla nægan mat, sem muni svelta. Elítan mun væntanlega geta haldið sínum glæsta lífsstíl að mestu óbreyttum.
Skýrslan var unnin af Tomas Ojea Quintana, einum af mannréttindasérfræðingum SÞ.
Í henni leggur hann til að til að draga úr líkunum á að hinir illa settu Norður-kóreumenn þurfi að glíma við enn verri stöðu verði dregið úr þeim refsiaðgerðum sem SÞ hafa sett á landið vegna kjarnorkuvopnabrölts einræðisstjórnarinnar.
En það er ekki bara skortur á matvælum í Norður-Kóreu því það er einnig mikill skortur á lyfjum og vöruverð hefur hækkað mikið eftir að vörur hættu að berast frá Kína. Mannúðarsamtök geta ekki einu sinni komið lyfjum inn í landið segir í skýrslunni.
