fbpx
Þriðjudagur 16.júlí 2024
Pressan

Grunur um hryðjuverk í Noregi – Margir látnir og særðir

Kristján Kristjánsson
Miðvikudaginn 13. október 2021 18:51

Frá vettvangi í kvöld. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Grunur leikur á að hryðjuverkaárás hafi verið gerð í Kongsberg í Noregi nú í kvöld. Margir eru sagðir látnir og særðir eftir árásina. Einn hefur verið handtekinn vegna málsins.

Lögreglunni var tilkynnt um mann sem væri að skjóta á fólk með boga í miðbæ Kongsberg um klukkan 18.30 að staðartíma, 16.30 að íslenskum tíma.

Umfangsmiklar lögregluaðgerðir hafa verið á svæðinu.

Lögreglan hefur verið spör á upplýsingar en sagði á fréttamannafundi fyrir nokkrum mínútum að margir séu látnir og særðir en nefndi engar tölur.

Sjúkrahús á svæðinu hafa verið sett í viðbragðsstöðu og starfsfólk kallað út.

Lögreglumenn á vettvangi. Mynd:EPA

Á fréttamannafundi sagði Øyvind Aas, lögreglustjóri, að lögreglan sé með allan þann mannskap á svæðinu sem hún hafi yfir að ráða. Hann sagði að hinn handtekni hafi farið yfir stórt svæði í miðbænum. Hann vildi ekki svara því hvort um hryðjuverk væri að ræða en sagði að leyniþjónustu lögreglunnar hefur verið tilkynnt um málið.

Lögreglan í Osló veitir lögreglunni í Kongsberg aðstoð og hefur sent þyrlu, sprengjusérfræðinga og sérsveitarmenn á vettvang. Kongsberg er um 80 km suðvestan við Osló.

Norska ríkisútvarpið segir að hinn handtekni hafi skotið á fólk með boga og örvum. Fólk hefur verið beðið um að halda sig innandyra. Þá herma fréttir að fjöldi fólks hafi verið stungið með hnífi.

Lögreglan telur að hinn handtekni hafi verið einn að verki.

Fjöldi sjúkrabíla hefur verið sendur til Kongsberg frá Osló.

Vopnaðir lögreglumenn og hermenn eru á hverju strái í bænum þessa stundina.

Laagendalsposten hefur eftir vitni að árásarmaðurinn hafi hlaupið upp Hyttegata með lögreglumenn á hælunum og að þeir hafi skotið á hann með vélbyssum. Vitnið sá einnig konu liggja særða á götunni og hrópa á hjálp, hún hafði verið stungin.

Uppfært klukkan 19.40

Tekin hefur verið ákvörðun um að norska lögreglan vopnist tímabundið í ljósi atburðanna í Kongsberg. Gildir ákvörðunin fyrir allt landið. Norskir lögreglumenn eru alla jafna ekki vopnaðir skotvopnum.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Hafa risavaxnir menn einhvern tímann verið til?

Hafa risavaxnir menn einhvern tímann verið til?
Pressan
Fyrir 2 dögum

Athyglisverðar myndir prýða 1.600 ára gamlar myntir sem fundust á Ermarsundseyjunum

Athyglisverðar myndir prýða 1.600 ára gamlar myntir sem fundust á Ermarsundseyjunum
Pressan
Fyrir 4 dögum

Páfagarður bannfærir erkibiskup sem sagði Frans páfa vera „þjón djöfulsins“

Páfagarður bannfærir erkibiskup sem sagði Frans páfa vera „þjón djöfulsins“
Pressan
Fyrir 4 dögum

Færð þú frið í sumarfríinu? Fyrirtæki hafa samband við þriðja hvern starfsmann í sumarfríinu

Færð þú frið í sumarfríinu? Fyrirtæki hafa samband við þriðja hvern starfsmann í sumarfríinu
Pressan
Fyrir 5 dögum

Sjö ávanar sem gera tannlækninn þinn ríkan

Sjö ávanar sem gera tannlækninn þinn ríkan
Pressan
Fyrir 5 dögum

Fjallgöngumaður hvarf fyrir 22 árum – Fannst nýlega

Fjallgöngumaður hvarf fyrir 22 árum – Fannst nýlega
Pressan
Fyrir 5 dögum

„Gerist bara einu sinni á ævinni“ – Einstakt tækifæri til að sjá sprengingu á dvergstjörnu

„Gerist bara einu sinni á ævinni“ – Einstakt tækifæri til að sjá sprengingu á dvergstjörnu
Pressan
Fyrir 5 dögum

Grunaður um að hafa myrt konu og dætur íþróttafréttamanns með lásboga

Grunaður um að hafa myrt konu og dætur íþróttafréttamanns með lásboga