Þetta kemur fram í bókinni „I‘ll Take Your Questions Now, What I Saw at Trump White House“ sem kom út í gær. Hún er eftir Stephanie Grisham, sem var fjölmiðlafulltrúi Hvíta hússins um skeið þegar Trump var forseti og einnig var hún talskona Melania Trump. Grisham er einna þekktust fyrir að hafa ekki haldið einn einasta fréttamannafund frá því í júlí 2019 þar til í apríl 2020 en þá gegndi hún embætti fjölmiðlafulltrúa.
En hún virðist hafa frá miklu að segja í bók sinni. Samkvæmt umfjöllun Daily Mail þá hlakkaði börn Trump mikið til Bretlandsferðarinnar en Reynolds var mjög áhyggjufull. „Við munum líta út eins og „Beverly Hillbillies,“ sagði Reynolds að sögn og vísaði þar til samnefndar sjónvarpsþátta um sveitalubba sem finna olíu, efnast og flytja til Beverly Hills. „Við verðum að athlægi um allt land,“ sagði Reynolds einnig að sögn og hafði fulla ástæðu til að vera smeyk.
Þegar Donald Trump fór einn í opinbera heimsókn til Bretlands árinu áður gerði hann Breta öskureiða með því að ganga á undan drottningunni en það er gróft brot á siðareglum konungsfjölskyldunnar.
Álíka „hneyksli“ átti sér næstum stað 2019 því Ivanka Trump, dóttir forsetans, og Jared Kushner, eiginmaður hennar, reyndu að sögn að fara með á fund með drottningunni í Lundúnum en það hefði verið alvarlegt brot á siðareglum hirðarinnar. En þar sem ekki var pláss í þyrlunni sem flutti forsetann á fund drottningarinnar komust þau ekki með. Þau voru þó með í móttökukvöldverði drottningarinnar.
Grisham segir að þá hafi Ivanka fengið smá konunglegan gljáa en hún hegðaði sér þannig í Hvíta húsinu að halda mátti að hún væri konungborin og var hún kölluð „Prinsessan“ af mörgum, þar af meðal af Melania sem er að sögn ekki hrifin af stjúpdóttur sinni.
