Í myndbandinu sést stúlka, sem virðist vera með glóðaraugu, á milli tveggja manna í aftursæti bifreiðar. Hún horfir inn í myndavélina á meðan mennirnir ræða saman.
Fljótlega eftir að myndbandið var birt á TikTok bentu margir á að stúlkan líkist Cassie. People skýrir frá þessu.
„Við þökkum fyrir allar þær ábendingar og upplýsingar sem við höfum fengið um Cassie Compton. Við erum með myndbandið frá TikTok og höfum séð færsluna á Facebook. Við vinnum að málinu í samvinnu við lögregluna í Arkansas og FBI. Þar sem rannsókn stendur yfir getum við ekki sagt meira,“ segir lögreglan í Stuttgart.
Cassie hvarf árið 2015 eftir að hafa gist hjá fjölskylduvinum. Hún kom heim á sunnudegi en þá voru móðir hennar og unnusti móðurinnar heima. Cassie kom inn í húsið og fór út aftur og síðan hefur ekkert til hennar spurst sagði Mark Duke, lögreglustjóri, fyrir tveimur árum. Cassie sagði móður sinni að hún væri að fara út að versla en hún skilaði sé aldrei heim aftur. Enginn hefur verið handtekinn vegna málsins en grunur hefur beinst að unnusta móður Cassie.
Einkaspæjari, sem hefur leitað að Cassie árum saman, segir að stúlkan í myndbandinu líkist henni ótrúlega mikið en hefur ekki getað staðfest með fullri vissu að það sé Cassie sem sést í myndbandinu.
Eftir að myndbandið var birt deildi kona öðru myndbandi á TikTok þar sem hún sagði að það væri hún sem sést í fyrra myndbandinu. Hún sagðist ekki vita hver Cassie er og sagðist hafa fengið glóðaraugun í ráni. Upprunalega myndbandinu var síðan eytt.
