fbpx
Föstudagur 25.apríl 2025
Pressan

41.000 ára beinagrind Neanderdalsbarns gæti leyst gamla ráðgátu

Kristján Kristjánsson
Sunnudaginn 10. janúar 2021 14:15

Homo sapiens og Neanderdalsmaður. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Eru það einungis nútímamenn, Homo sapiens, sem hafa stundað það að jarðsetja hina látnu eða gerðu aðrar tegundir manna, til dæmis Neanderdalsmenn, það einnig? Þetta hafa fornleifafræðingar deilt um árum saman en hugsanlegt er að nú hafi ljósi verið varpað á þetta hitamál.

Á síðustu 150 árum hafa tugir beinagrinda af Neanderdalsmönnum fundist í Evrópu og Asíu. Þær best varðveittu fundust í upphafi tuttugustu aldarinnar og því var nútímaaðferðum ekki beitt við uppgröft þeirra. Þetta varð til þess að efasemdir vöknuðu um útfararsiði Neanderdalsmanna.

En nú hefur ný rannsókn á 41.000 ára gamalli beinagrind af barni af ætt Neanderdalsmanna, sem fannst í helli í Frakklandi á áttunda áratugnum, varpað nýju ljósi á málið. Rannsóknin sýnir að Neanderdalsmenn jarðsettu látna af ráðnum hug. CNN skýrir frá þessu.

Franskir og spænskir vísindamenn notuðu hátækniaðferðir nútímans til að rannsaka beinin á nýjan leik sem og staðinn þar sem þau fundust en það var í La Ferrassie í suðvesturhluta Frakklands. Niðurstaða þeirra er að lík barnsins, sem var tveggja ára, hafi verið lagt til hvílu í gröf sem var grafin í jörðina. Niðurstöðuna byggja þeir meðal annars á því að engin ummerki hafi verið um að hræætur hafi reynt að komast að líkinu og það að beinin hafi legið þétt saman bendir til að líkið hafi verið jarðsett fljótlega eftir andlátið. Einnig höfðu beinin varðveist vel í jarðveginum, betur en bein úr dýrum sem fundust í sömu jarðlögum. Það styrkir einnig niðurstöðu þeirra að líkinu var komið þannig fyrir að höfuðið benti í austur og lá hærra en restin af líkamanum.

Niðurstöður rannsóknarinnar hafa verið birtar í vísindaritinu Scientific Reports.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

„Hrúga af einhverju“ og rauðir blettir í illræmdu fangelsi kveiktu óhugnanlega samsæriskenningu

„Hrúga af einhverju“ og rauðir blettir í illræmdu fangelsi kveiktu óhugnanlega samsæriskenningu
Pressan
Fyrir 2 dögum

Sjúkdómurinn sem getur gert bros óbærilegt

Sjúkdómurinn sem getur gert bros óbærilegt
Pressan
Fyrir 3 dögum

Frans páfi hringdi á þennan stað á hverju einasta kvöldi

Frans páfi hringdi á þennan stað á hverju einasta kvöldi
Pressan
Fyrir 3 dögum

Viðtal við tvíburasystur vekur mikla athygli – „Topp 5 besta viðtal allra tíma“

Viðtal við tvíburasystur vekur mikla athygli – „Topp 5 besta viðtal allra tíma“
Pressan
Fyrir 4 dögum

Deilurnar um Berlín 1948–1949

Deilurnar um Berlín 1948–1949
Pressan
Fyrir 4 dögum

Martraðir gætu verið snemmbúin merki um Parkinsonssjúkdóminn

Martraðir gætu verið snemmbúin merki um Parkinsonssjúkdóminn
Pressan
Fyrir 5 dögum

Kortlagði hvenær ástarsambönd verða hættuleg – Átta stig sem leiða til morðs

Kortlagði hvenær ástarsambönd verða hættuleg – Átta stig sem leiða til morðs
Pressan
Fyrir 5 dögum

Vill þvinga kvenkyns innflytjendur til að giftast kynsveltum Bandaríkjamönnum – „Ef þið gerið það ekki, munum við senda ykkur til baka“

Vill þvinga kvenkyns innflytjendur til að giftast kynsveltum Bandaríkjamönnum – „Ef þið gerið það ekki, munum við senda ykkur til baka“