fbpx
Fimmtudagur 24.apríl 2025
Pressan

Ný rannsókn varpar ljósi á gamlar grænlenskar þjóðsögur – Ísbirnir brjóta höfuð rostunga með steinum

Kristján Kristjánsson
Laugardaginn 28. ágúst 2021 07:30

Mynd úr safni. Mynd:Wikimedia Commons.

Ekki missa af Helstu tíðindum dagsins í pósthólfið þitt

Lesa nánar

Á Grænlandi hafa lengi verið sagðar ógurlegar sögur af ísbjörnum sem brjóta höfuð rostunga með þungum steinum og stórum klakastykkjum. Þetta eru margar sögur og hafa haldist lítið breyttar í gegnum tíðina. Af þessum sökum ákváðu vísindamenn að rannsaka hvort þær gætu átt sér stoð í raunveruleikanum.

Þeir komust að því að ekki sé útilokað að sögurnar séu sannar. LiveScience skýrir frá þessu. Rannsóknin hefur verið birt í tímaritinu Arctic. Í niðurstöðum hennar segja vísindamennirnir að það sé kannski bara tímaspursmál hvenær þeir muni sjá ísbjörn nota stein við veiðar.

Vísindamennirnir köfuðu ofan í frásagnir Inúíta um ísbirni sem kasta grjóti og stórum klakastykkjum en þær ná allt aftur á síðari helming átjándu aldar. Í lýsingu Inúíta frá 1882 lýsir hann því hvernig ísbjörn „tók stórt klakastykki í hrammana, reisti sig upp á afturfæturna og kastaði klakastykkinu af miklu afli í höfuð hálffullorðins rostungs“.

Vísindamennirnir benda einnig á að dansk-norski presturinn og trúboðinn Otto Fabricius hafi í bók sinni „Fauna Groenlandica“ frá 1780 lýst því hvernig ísbirnir tóku upp stór klakastykki og köstuðu í höfuð rostunga. Segja þeir að það sé alls ekki útilokað að ísbirnir, sem lifa frjálsir í náttúrunni, geti lært að nota verkfæri. Þeir benda á að ísbjörninn GoGo, sem er í dýragarði í Japan, hafi sjálfur fundið út aðferð til að ná í kjöt sem gæslufólk hans hengdi upp í þriggja metra hæð. Hann notar tveggja metra langa trjágrein til að ná kjötinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Frans páfi hringdi á þennan stað á hverju einasta kvöldi

Frans páfi hringdi á þennan stað á hverju einasta kvöldi
Pressan
Fyrir 2 dögum

Viðtal við tvíburasystur vekur mikla athygli – „Topp 5 besta viðtal allra tíma“

Viðtal við tvíburasystur vekur mikla athygli – „Topp 5 besta viðtal allra tíma“
Pressan
Fyrir 2 dögum

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu
Pressan
Fyrir 3 dögum

Fékk 68 milljónir í vasapeninga á mánuði frá tengdamömmu sinni – Vildi meira

Fékk 68 milljónir í vasapeninga á mánuði frá tengdamömmu sinni – Vildi meira
Pressan
Fyrir 4 dögum

Kortlagði hvenær ástarsambönd verða hættuleg – Átta stig sem leiða til morðs

Kortlagði hvenær ástarsambönd verða hættuleg – Átta stig sem leiða til morðs
Pressan
Fyrir 4 dögum

Vill þvinga kvenkyns innflytjendur til að giftast kynsveltum Bandaríkjamönnum – „Ef þið gerið það ekki, munum við senda ykkur til baka“

Vill þvinga kvenkyns innflytjendur til að giftast kynsveltum Bandaríkjamönnum – „Ef þið gerið það ekki, munum við senda ykkur til baka“