fbpx
Föstudagur 04.apríl 2025
Pressan

Kína, Pakistan og Rússland vilja auka áhrif sín í Afganistan

Kristján Kristjánsson
Þriðjudaginn 17. ágúst 2021 18:00

Frá Kabúl.

Ekki missa af Helstu tíðindum dagsins í pósthólfið þitt

Lesa nánar

Í kjölfar valdatöku Talibana í Afganistan munu Kína, Pakistan og Rússland reyna að auka áhrif sín í landinu en öll ríkin hafa lýst yfir vilja til að eiga samskipti við Talibana. Það er þó ekki hægt að segja að þau séu mjög æst í það, frekar að þau vilji sjá hvernig málin þróast og vera í samskiptum við Talibana í þeirri von að hægt verði að eiga í góðum samskiptum við þá þannig að ríkin hafi áhrif á gang mála í Afganistan.

Undir niðri kraumar ótti við að Afganistan verði enn á ný vígi hryðjuverkamanna sem muni síðan láta til skara skríða utan Afganistan, þar á meðal í ríkjunum þremur.

Þetta kemur fram í umfjöllun The Guardian sem bendir á að Imran Khan, forsætisráðherra Pakistan, hafi sagt Talibana hafa „brotið hlekki andlegrar ánauðar í Afganistan“ og Siraj ul Haq, leiðtogi eins helsta stjórnmálaflokks landsins, sagði að Talibanar hafi frelsað land sitt undan oki stórvelda og úr yrði fyrirmyndarríki undir íslamskri stjórn. Pakistanar hafa lengi verið sakaðir um að aðstoða Talibana.

Talsmaður kínverska utanríkisráðuneytisins sagði að Kínverjar séu reiðubúnir til að þróa „gott og vinsamlegt samband við nágranna sína og starfa með Afgönum“ og lagði áherslu á að Talibanar hafi lofað að Afganistan verði ekki gróðrarstía fyrir aðgerðir sem beinast gegn Kína.

Rússar hafa byggt stóran hluta af utanríkisstefnu sinni á baráttu gegn hryðjuverkum og þeir hafa brugðist við valdatöku Talibana með raunsærri pólitík að mati The Guardian. Zamir Kabulov, útsendari Rússlands í Afganistan, sagði í gær að hann hefði fyrir löngu komist að þeirri niðurstöðu að miklu auðveldara sé að ná samkomulagi við Talibana en leppstjórnina sem sat áður í Kabúl.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra
Pressan
Í gær

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 3 dögum

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Hún var kölluð Lafði Dauði

Hún var kölluð Lafði Dauði
Pressan
Fyrir 4 dögum

Ný gögn frá NASA benda til að við eigum heima í svartholi

Ný gögn frá NASA benda til að við eigum heima í svartholi