fbpx
Mánudagur 31.mars 2025
Pressan

Bandarískar leyniþjónustustofnanir hafa komist yfir gögn frá rannsóknarstofunni í Wuhan – Geta þau varpað ljósi á uppruna kórónuveirunnar?

Kristján Kristjánsson
Föstudaginn 6. ágúst 2021 05:58

Veiran kom fyrst fram á sjónarsviðið í Wuhan í Kína.

Ekki missa af Helstu tíðindum dagsins í pósthólfið þitt

Lesa nánar

Bandarískar leyniþjónustustofnanir hafa komist yfir óunnar upplýsingar um veirur sem voru rannsakaðar í rannsóknarstofu í Wuhan í Kína, þeirri sem sumir telja að kórónuveiran, sem herjar á heimsbyggðina, hafi sloppið út frá. Þessi gögn geta að sögn verið sannkölluð gullnáma hvað varðar leitina að uppruna veirunnar.

CNN skýrir frá þessu og segir að ofurtölvur séu nú að vinna úr gögnunum sem eru að sögn mjög mikil að umfangi.

Í upphafi heimsfaraldursins var kenningin um að veiran hefði sloppið út frá rannsóknarstofunni í Wuhan afgreidd sem samsæriskenning sem ætti sér enga stoð í raunveruleikanum. Á síðustu mánuðum hefur þó orðið breyting hér á innan bandaríska stjórnkerfisins og sífellt fleiri hafa viljað láta rannsaka hvort veiran hafi sloppið út frá rannsóknarstofunni fyrir mistök. Fyrr í sumar skýrði CNN frá því að embættismenn í ríkisstjórn Joe Biden, forseta, telji jafn miklar líkur á að veiran hafi sloppið úr rannsóknarstofunni og að hún hafi borist í fólk beint úr náttúrunni.

CNN segir að bandarískar leyniþjónustustofnanir hafi komist yfir „gríðarlegan lista“ óunninna gagna um veirur sem voru rannsakaðar í rannsóknarstofunni í Wuhan. Ekki er vitað hvernig leyniþjónustustofnanirnar fengu gögnin en heimildarmenn CNN segja að gögnin séu sett upp á sama hátt og venjulega er gert þegar gögn af þessu tagi eru geymd á netþjónum. Ef þau hafa verið geymd á netþjónum er hugsanlegt að þeim hafi verið stolið þaðan.

Bandarísk yfirvöld eru því hugsanlega með sannkallaða gullnámu í formi þessara gagna en hins vegar standa þau frammi fyrir tveimur vandamálum í tengslum við úrvinnslu þeirra. Annað er að það þarf gríðarlega öflugar tölvur til að vinna úr þeim og gera þær þannig úr garði að hægt sé að lesa úr þeim. Af þeim sökum er nú verið að nota ofurtölvur hjá orkumálaráðuneytinu við það. Hitt er að þeir vísindamenn sem koma að úrvinnslu gagnanna verða að vera með nægilega háa öryggisvottun til að fá aðgang að þeim og þeir verða einnig að geta lesið kínversku. Ekki eru margir sem falla í þennan flokk og það gerir verkefnið sérstaklega erfitt segja heimildarmenn CNN.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Hægláta konan bjó með systur sinni og móður – Fáir vissu leyndarmál hennar

Hægláta konan bjó með systur sinni og móður – Fáir vissu leyndarmál hennar
Pressan
Í gær

Sjö slæm mistök sem margir gera í svefnherberginu

Sjö slæm mistök sem margir gera í svefnherberginu
Pressan
Fyrir 2 dögum

Báru kennsl á líkið eftir sjö ár

Báru kennsl á líkið eftir sjö ár
Pressan
Fyrir 2 dögum

Kínverjar vonast til að ókeypis mjólk leiði til fleiri barnsfæðinga

Kínverjar vonast til að ókeypis mjólk leiði til fleiri barnsfæðinga
Pressan
Fyrir 3 dögum

Kanadamenn minna á góðvild sína á dimmasta degi Bandaríkjanna

Kanadamenn minna á góðvild sína á dimmasta degi Bandaríkjanna
Pressan
Fyrir 3 dögum

Segja að Rússar hafi varpað sprengjum á eigin gasstöð til að grafa undan vopnahléssamningi

Segja að Rússar hafi varpað sprengjum á eigin gasstöð til að grafa undan vopnahléssamningi
Pressan
Fyrir 4 dögum

Evrópubúum er ráðlagt að búa sig undir það versta og koma sér upp neyðarbirgðum – Þetta er gott að hafa í töskunni

Evrópubúum er ráðlagt að búa sig undir það versta og koma sér upp neyðarbirgðum – Þetta er gott að hafa í töskunni
Pressan
Fyrir 4 dögum

Kafbátaferð breyttist í martröð – Að minnsta kosti sex látin og margir slasaðir

Kafbátaferð breyttist í martröð – Að minnsta kosti sex látin og margir slasaðir