fbpx
Fimmtudagur 24.apríl 2025
Pressan

Bandaríkin senda tugi orrustuþota til Kyrrahafs vegna vaxandi spennu í samskiptum við Kína

Kristján Kristjánsson
Mánudaginn 2. ágúst 2021 10:00

F-22 vélar á flugi yfir Kyrrahafinu. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Bandaríkjaher sendir á næstunni á þriðja tug F-22 orrustuþota til æfinga í Kyrrahafi. Óvenjulegt er að svo margar þotur séu sendar í einu en sérfræðingar segja að með þessu sé verið að senda kínverskum ráðamönnum skýr skilaboð.

CNN skýrir frá þessu og hefur eftir Ken Wilsbach, hershöfðingja og yfirmanni kyrrahafsdeildar flughersins, að aldrei fyrr hafi svo margar F-22 vélar verið við æfingar samtímis í Kyrrahafi.

F-22 eru fullkomnustu orrustuþotur heims en þær eru illsjáanlegar á ratsjám og búnar fullkomnasta tæknibúnaði sem völ er á.

Með því að senda vélarnar til æfinga í Kyrrahafi er kínverskum ráðamönnum sendu skýr skilaboð en mikil spenna er í samskiptum Bandaríkjanna og Kína vegna Taívan en Kínverjar hafa hótað að beita hervaldi til að leggja eyjuna undir sig. Einnig er mikil spenna á milli ríkjanna vegna krafna Kínverja um yfirráð í Suður-Kínahafi.

CNN hefur eftir Carl Schuster, sérfræðingi í varnarmálum og fyrrum yfirmanni stjórnstöðvar bandaríska heraflans í Kyrrahafi, að með því að senda svona margar flugvélar sé verið að sýna Kínverjum að Bandaríkin geti með skömmum fyrirvara sent fjölda flugvéla af þessari tegund á vettvang ef þörf krefur. Fleiri fimmtu kynslóðar orrustuþotur en Kínverjar eiga samtals en þeir eiga 20 til 24 slíkar vélar en Bandaríkjaher á um 180.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Musk sagður kominn með nóg af pólitíkinni – Þreyttur á árásum vinstrimanna

Musk sagður kominn með nóg af pólitíkinni – Þreyttur á árásum vinstrimanna
Pressan
Fyrir 2 dögum

Innleiða ferðamannaskatt á nýjan leik

Innleiða ferðamannaskatt á nýjan leik
Pressan
Fyrir 2 dögum

Deilurnar um Berlín 1948–1949

Deilurnar um Berlín 1948–1949
Pressan
Fyrir 2 dögum

Martraðir gætu verið snemmbúin merki um Parkinsonssjúkdóminn

Martraðir gætu verið snemmbúin merki um Parkinsonssjúkdóminn
Pressan
Fyrir 5 dögum

Brottrekinn hershöfðingi snýr aftur: Telur að hann verði sendur beint í opinn dauðann

Brottrekinn hershöfðingi snýr aftur: Telur að hann verði sendur beint í opinn dauðann
Pressan
Fyrir 5 dögum

Hún leitaði að móður sinni í sex áratugi – Konan í rauða kjólnum hefur loksins fengið nafn

Hún leitaði að móður sinni í sex áratugi – Konan í rauða kjólnum hefur loksins fengið nafn