fbpx
Föstudagur 04.apríl 2025
Pressan

Æðsti herforingi Bandaríkjanna óttaðist að Trump ætlaði að ræna völdum eftir kosningarnar

Kristján Kristjánsson
Fimmtudaginn 15. júlí 2021 06:59

Mark Milley. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Skömmu áður en stuðningsfólk Donald Trump, þáverandi Bandaríkjaforseta, réðst á þinghúsið í Washington D.C. þann 6. janúar síðastliðinn viðraði Mark Milley, hershöfðingi og formaður herráðsins, áhyggjur sínar af því að Bandaríkin stæðu frammi fyrir „Reichstag stund“ því Trump væri að predika „fagnaðarerindi Foringjans“ og átti þar við Adolf Hitler. Með „Reichstag stund“ átti hann við árás stuðningsmanna Hitlers á þýska þingið 1933 þegar þeir styrktu tök sín á Þýskalandi.

Þetta kemur fram i nýrri bók, „I Alone Can Fix This“ eftir Carol Leonnig og Philip Rucker. The Guardian skýrir frá þessu. Bókin kemur út í næstu viku en Washington Post, þar sem höfundarnir starfa, birti útdrátt úr henni á þriðjudaginn og New York Times gerði það í gær.

Þessi líking Milley á boðskap Trump við það sem gerðist á dögum Þriðja ríkisins í Þýskalandi kemur í kjölfar fullyrðinga um að Trump hafi sagt við John Kelly, starfsmannastjóra sinn, að „Hitler hafi gert marga góða hluti“. Trump neitar að hafa sagt þetta.

Í bók Leonnig og Rucker kemur fram að Milley hafi rætt við „gamlan vin“ sem varaði hann við að Trump og bandamenn hans væru að reyna „að steypa stjórninni“ í kjölfar sigurs Joe Biden í forsetakosningunum sem Trump hefur síðan haldið fram að hafi verið vegna kosningasvika. Hann hefur þó ekki getað fært fram nein rök eða sannanir fyrir þessum fullyrðingum sínum sem bandarískir dómstólar hafa hafnað og vísað á bug.

Við þessi tíðindi er Milley sagður hafa sagt: „Þeir geta reynt það, en þeim mun ekki takast það, andskotinn hafi það. Það er ekki hægt að gera þetta án hersins. Þú getur ekki gert þetta án CIA og FBI. Við erum með byssurnar.“

Milley er sagður hafa kallað stuðningsfólk Trump „Brownshirts“ en þar er vísað til herskárra stuðningsmanna Hitlers á fjórða áratugnum. Milley er sagður hafa talið að „Trump væri að kynda undir ólgu, hugsanlega í þeirri von að geta virkjað uppreisnarákvæðið og kallað herinn til aðstoðar“ löngu áður en ráðist var á þinghúsið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

1,5 milljónum mynda lekið frá stefnumótaöppum

1,5 milljónum mynda lekið frá stefnumótaöppum
Pressan
Í gær

Spænska lögreglan varar ferðamenn við – Gætið ykkar á 50 evru brellunni

Spænska lögreglan varar ferðamenn við – Gætið ykkar á 50 evru brellunni
Pressan
Fyrir 2 dögum

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 2 dögum

Leynileg hernaðarskjöl fundust á götu úti í Newcastle

Leynileg hernaðarskjöl fundust á götu úti í Newcastle
Pressan
Fyrir 3 dögum

„Breaking Bad“ aðdáandi handtekinn – Tók þættina sér til fyrirmyndar

„Breaking Bad“ aðdáandi handtekinn – Tók þættina sér til fyrirmyndar
Pressan
Fyrir 3 dögum

Meðhöfundur Adolescence bregst við „fáránlegri“ kenningu sem Elon Musk hefur dreift

Meðhöfundur Adolescence bregst við „fáránlegri“ kenningu sem Elon Musk hefur dreift
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Lyklaði bíl frá Teslu og er krafinn um yfir 100 milljónir í bætur

Lyklaði bíl frá Teslu og er krafinn um yfir 100 milljónir í bætur