fbpx
Sunnudagur 23.febrúar 2025
Pressan

44 ríki biðja Kínverja um að veita aðgang að Xinjiang-héraði – Vilja rannsaka meint mannréttindabrot

Kristján Kristjánsson
Miðvikudaginn 23. júní 2021 07:50

Kínversk lögregla handtekur mótmælendur sem höfðu í frammi stuðning við málstað Úígúra. Mynd/Getty

Ekki missa af Helstu tíðindum dagsins í pósthólfið þitt

Lesa nánar

44 ríki sendu í gær frá sér sameiginlega yfirlýsingu þar sem þau hvetja kínversk stjórnvöld til að heimila óháðum eftirlitsmönnum að ferðast til Xinjiang-héraðs til að rannsaka ásakanir um umfangsmikil mannréttindabrot sem beinast gegn Úígúrum sem eru múslímskur minnihlutahópur.

„Trúverðugar upplýsingar benda til að rúmlega einni milljón manna sé tilviljanakennt haldið fanginni í Xinjiang. Einnig hafa borist tilkynningar um umfangsmikið eftirlit með Úígúrum og öðrum minnihlutahópum auk takmarkana á grundvallar frelsi og menningu Úígúra,“ segir í yfirlýsingunni sem var lesin upp í gær á fundi Mannréttindaráðs SÞ. Það var Leslie Norton, sendiherra Kanada, sem las yfirlýsinguna upp en meðal annarra ríkja sem skrifa undir hana eru Svíþjóð, Danmörk, Bandaríkin, Ástralía, Bretland og Frakkland.

Ríkin 44 vilja að  Michelle Bachelet, mannréttindastjóri SÞ, fari fyrir leiðangrinum. Hún hefur reynt að fá aðgang að héraðinu síðan 2018.

Í yfirlýsingu ríkjanna er einnig vísað til pyntinga, ófrjósemisaðgerða, kynferðisofbeldis og aðskilnaðar barna frá foreldrum sínum í Xinjiang.

Jiang Yingfeng, æðsti diplómat Kína hjá SÞ, vísaði ásökununum á bug í gær. Hann sagði að yfirlýsingin væri afskipti af innri málefnum Kína og væru þessi afskipti drifin áfram af „pólitískum ástæðum“. Hann sagði þó að Kínverjar muni bjóða mannréttindastjóra SÞ velkomna til Xinjiang. „En í stað rannsóknar sem byggist á svokölluðum hugmyndum um sekt þá á þessi heimsókn að snúast um að skiptast á upplýsingum og samstarfi aðila,“ sagði hann í gær. Hann kom ekki nánar inn á hvenær slík heimsókn getur átt sér stað.

Ríkin 44 lýstu einnig yfir áhyggjum af framferði Kínverja í Hong Kong og stöðu mannréttindamála í Tíbet.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Neglur urðu morðingja Unu að falli

Neglur urðu morðingja Unu að falli
Pressan
Fyrir 2 dögum

Snarráður 12 ára drengur sló innbrotsþjóf í klofið með hamri

Snarráður 12 ára drengur sló innbrotsþjóf í klofið með hamri
Pressan
Fyrir 3 dögum

Bankastarfsfólki sagt að finna sér aðra vinnu ef það sættir sig ekki við nýja reglu

Bankastarfsfólki sagt að finna sér aðra vinnu ef það sættir sig ekki við nýja reglu
Pressan
Fyrir 3 dögum

Kínverjar herða tökin – Ekkert sleppur út

Kínverjar herða tökin – Ekkert sleppur út
Pressan
Fyrir 3 dögum

Kramdi fiðrildi og sprautaði sig – Mátti þola kvalafullan dauðdaga á sjö dögum

Kramdi fiðrildi og sprautaði sig – Mátti þola kvalafullan dauðdaga á sjö dögum
Pressan
Fyrir 3 dögum

Frændi meinta raðmorðingjans átti sér líka myrka fortíð – Arkitekt dauðans og presturinn frá helvíti

Frændi meinta raðmorðingjans átti sér líka myrka fortíð – Arkitekt dauðans og presturinn frá helvíti