fbpx
Þriðjudagur 16.júlí 2024
Pressan

Texas er nýr heimavöllur Trump

Kristján Kristjánsson
Sunnudaginn 13. júní 2021 17:30

Donald Trump hótaði að yfirgefa Hvíta húsið ekki. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Eftir ósigurinn í forsetakosningunum flutti Donald Trump til Flórída og hefur nokkuð hægt um sig opinberlega en á bak við tjöldin situr hann ekki auðum höndum og beitir áhrifum sínum til hins ítrasta innan Repúblikanaflokksins. Hann hefur sterk ítök í flokknum í Texas og þar virðast flokksmenn vilja þóknast honum.

Ef fólk hefur átt von á að Repúblikanar í Texas myndu taka upp hófsamari stefnu eftir ósigur Trump þá hafði það kolrangt fyrir sér. Repúblikanar í ríkinu hafa að undanförnu gert það sem var hátt skrifað á óskalista Trump.

Repúblikanar eru í meirihluta í báðum deildum þings ríkisins og hafa frá því að forsetakosningarnar fóru fram þrengt fóstureyðingarlögin þannig að nú er fóstureyðing óheimili ef kona er komin sex vikur á leið.

Þeir hafa einnig slakað á vopnalöggjöfinni, sem var nú ekki ströng fyrir, og nú mega allir 21 árs og eldri bera skotvopn, bæði sýnilegt og hulið, án þess að þurfa sérstakt leyfi til þess. Áður þurfti að fá sérstakt leyfi til þess og sækja námskeið í meðferð skotvopna. Gagnrýnendur laganna segja að þau auki líkurnar á að Texas verði að nýju Villta Vestri. En stuðningsmenn laganna segja að þau gefi fólki tækifæri á að verja sjálft sig.

Demókratar létu þessi lagafrumvörp yfir sig ganga og lögðu ekki til atlögu við Repúblikana fyrr en þeir lögðu fram frumvarp um hertar reglur um kosningar í ríkinu. Það dylst fáum að þeim er ætlað að halda svörtum og öðrum minnihlutahópum frá því að greiða atkvæði en þetta eru samfélagshópar sem styðja frekar Demókrata en Repúblikana.

Demókrötum tókst að vinna smá tíma með því að yfirgefa þinghúsið og því var ekki hægt að greiða atkvæði um frumvarpið áður en þingið fór í sumarleyfi. Þetta keypti smá tíma en ekki endanlegan sigur því ríkisstjórinn hyggst kalla þingið saman til aukaþings til að koma frumvarpinu í gegn.

Fingraför Trump eru greinileg á frumvarpinu því það á rætur að rekja til staðlausra staðhæfinga hans um víðtækt kosningasvindl í forsetakosningunum í nóvember. Ekkert hefur komið fram sem sannar þessar fullyrðingar hans.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Hafa risavaxnir menn einhvern tímann verið til?

Hafa risavaxnir menn einhvern tímann verið til?
Pressan
Fyrir 2 dögum

Athyglisverðar myndir prýða 1.600 ára gamlar myntir sem fundust á Ermarsundseyjunum

Athyglisverðar myndir prýða 1.600 ára gamlar myntir sem fundust á Ermarsundseyjunum
Pressan
Fyrir 4 dögum

Páfagarður bannfærir erkibiskup sem sagði Frans páfa vera „þjón djöfulsins“

Páfagarður bannfærir erkibiskup sem sagði Frans páfa vera „þjón djöfulsins“
Pressan
Fyrir 4 dögum

Færð þú frið í sumarfríinu? Fyrirtæki hafa samband við þriðja hvern starfsmann í sumarfríinu

Færð þú frið í sumarfríinu? Fyrirtæki hafa samband við þriðja hvern starfsmann í sumarfríinu
Pressan
Fyrir 5 dögum

Sjö ávanar sem gera tannlækninn þinn ríkan

Sjö ávanar sem gera tannlækninn þinn ríkan
Pressan
Fyrir 5 dögum

Fjallgöngumaður hvarf fyrir 22 árum – Fannst nýlega

Fjallgöngumaður hvarf fyrir 22 árum – Fannst nýlega
Pressan
Fyrir 5 dögum

„Gerist bara einu sinni á ævinni“ – Einstakt tækifæri til að sjá sprengingu á dvergstjörnu

„Gerist bara einu sinni á ævinni“ – Einstakt tækifæri til að sjá sprengingu á dvergstjörnu
Pressan
Fyrir 5 dögum

Grunaður um að hafa myrt konu og dætur íþróttafréttamanns með lásboga

Grunaður um að hafa myrt konu og dætur íþróttafréttamanns með lásboga