„Eins og við vitum öll þá var hann einn af bestu rithöfundum Englands, í mínum augum var hann meistarinn. Hér er hann. Hann var fyrsti maðurinn sem var bólusettur gegn COVID-19. Hann lést í Englandi, 81 árs að aldri,“ sagði hún og átti þar við William Shakespeare.
Eflaust hugsa nú margir með sér: „Er hann ekki löngu dáinn?“.
Jú mikið rétt hann lést árið 1616.
Það sem fór úrskeiðis hjá Novillo var að hún ruglaði hinum heimsfræga, löngu látna rithöfundi saman við William „Bill“ Shakespeare, 81 árs mann frá Warwickshire, sem var önnur manneskjan í heiminum til að fá bóluefni Pfizer/BioNTech gegn kórónuveirunni.
Rétt er að William „Bill“ Shakespear, lést í síðustu viku af völdum hjartaáfalls og átti bóluefnið engan þátt í andláti hans.
Með fréttinni var birt mynd af því þegar Shakespear, hin yngri, var bólusettur og þegar myndin rann yfir skjáinn sagði Novillo: „hann er einn af mikilvægustu ensku rithöfundum sögunnar“.
Þetta brot úr fréttatímanum fór strax á mikið flug á samfélagsmiðlum. The Guardian segir að Novillo hafi skýrt þessi mistök með því að hún hafi ekki fengið réttan texta á skjáinn fyrir framan sig. En skaðinn var skeður og hún hefur verið höfð að háði og spotti síðustu daga.
