Á heimili Osorio fundu lögreglumenn lík 57 ára konu og 26 ára dóttur hennar liggjandi í blóðpolli. Ummerki benda til að þær hafi verið beittar kynferðislegu ofbeldi áður en þær voru myrtar.
Við frekari leit á heimilinu og í garðinum við húsið fann lögreglan lík sjö ára stúlku og tveggja drengja, tveggja og níu ára, sem voru grafin í garðinum. Að auki fundust lík fimm fullorðinna. Talið er að sum líkin hafi verið grafin niður fyrir tveimur árum.
Að minnsta kosti 25 manns er saknað á því svæði sem Osorio býr á. Hann var rekinn úr lögreglunni 2005 vegna kynferðislegrar áreitni. Hann hefur síðan afplánað fimm ára fangelsisdóm.
Gustavo Villatoro, öryggismálaráðherra El Salvador, segir að Osorio glími við geðræn vandamál og að hann hafi drepið fólk fyrir aðra. Tíu grunaðir samverkamenn hans hafa einnig verið handteknir.
