fbpx
Föstudagur 25.apríl 2025
Pressan

Segja að tölvuþrjótar hafi fengið greitt lausnargjald frá Colonial Pipeline

Kristján Kristjánsson
Föstudaginn 14. maí 2021 07:00

Víða var ekkert eldsneyti að hafa þegar þrjótarnir lömuðu dreifingu Colonial Pipelina. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Árás tölvuþrjóta á tölvukerfi olíuleiðslu Colonial Pipeline í Bandaríkjunum í byrjun mánaðarins varð til þess að flutningur á eldsneyti stöðvaðist og bensínskortur varð víða í Bandaríkjunum. Nú er aftur byrjað að flytja eldsneyti um leiðsluna, sem flytur um 45% af öllu eldsneyti á austurströnd Bandaríkjanna, eftir að tölvuþrjótarnir fengu „lausnargjald“ greitt.

Samkvæmt frétt Bloomberg þá greiddi fyrirtækið tölvuþrjótunum 5 milljónir dollara fyrir að fá aftur stjórn á leiðslunni. Þeir höfðu lokað henni og kröfðust greiðslu fyrir að opna aftur fyrir eldsneytisstreymi um hana. Þetta tókst þeim með því að lauma spilliforriti inn í tölvukerfi fyrirtækisins. Leiðslan eða net lagna teygir sig frá Texas til New Jersey.

Margir óttuðust að bensínskortur væri yfirvofandi og því hækkaði verð á bensíni mikið og fólk hamstraði bensín. Margar bensínstöðvar urðu uppiskroppa með bensín eða allt að 60% þeirra. Fólk beið klukkustundum saman í röð eftir að komast að bensíndælum.

Alríkislögreglan FBI segir að hópur, sem nefnist Darkside, hafi staðið á bak við árásina. Öryggissérfræðingar á Vesturlöndum segja að um hóp glæpamanna sé að ræða og hafa þeir verið tengdir við Rússland. Joe Biden, forseti, sagði í vikunni að ekki hefðu fundist beinar sannanir fyrir að Rússar hafi staðið á bak við árásina en hann sagði að vísbendingar væru um að hópurinn tengist Rússlandi.

BBC segir að Darkside hafi sent frá sér yfirlýsingu þar sem hópurinn segist „ekki hafa ætlað að valda vandræðum“. „Frá og með deginum í dag munum við skoða öll þau fyrirtæki sem við reynum að ráðast á til að koma í veg fyrir að það hafi samfélagslegar afleiðingar,“ segir í yfirlýsingu Darkside.

Cnet segir að þrátt fyrir að búið sé að opna leiðslurnar geti liðið nokkur tími þar til eldsneytisflæði verði orðið eðlilegt. Bloomberg segir að Colonial Pipeline hafi greitt þrjótunum um 5 milljónir dollara í lausnargjald. Greiðslan er sögð hafa farið fram eftir flóknum leiðum og að hún hafi verið í rafmynt. Bandarísk yfirvöld eru sögð hafa vitað af þessu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Ritstjórn stórblaðs segir að Trump hafi nú bætt gráu ofan á svörtustu efnahagsmistök síðari ára

Ritstjórn stórblaðs segir að Trump hafi nú bætt gráu ofan á svörtustu efnahagsmistök síðari ára
Pressan
Fyrir 2 dögum

Frans páfi hringdi á þennan stað á hverju einasta kvöldi

Frans páfi hringdi á þennan stað á hverju einasta kvöldi
Pressan
Fyrir 3 dögum

Sæðisrugl – Eignuðust 25-75 börn vegna skorts á reglum

Sæðisrugl – Eignuðust 25-75 börn vegna skorts á reglum
Pressan
Fyrir 3 dögum

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu
Pressan
Fyrir 5 dögum

Hver voru fórnarlömb Gilgo Beach morðingjans? – Þetta eru konurnar 7 sem Rex Heuermann er ákærður fyrir að hafa myrt

Hver voru fórnarlömb Gilgo Beach morðingjans? – Þetta eru konurnar 7 sem Rex Heuermann er ákærður fyrir að hafa myrt
Pressan
Fyrir 5 dögum

1968 ár stórra atburða: Stúdentauppreisn, geimferðir, stríð og morð

1968 ár stórra atburða: Stúdentauppreisn, geimferðir, stríð og morð