fbpx
Föstudagur 04.apríl 2025
Pressan

Auglýsingin sem setti Airbnb á hliðina – Það var bara eitt stórt vandamál

Kristján Kristjánsson
Miðvikudaginn 28. apríl 2021 05:21

Auglýsingin sem gerði allt vitlaust. Skjáskot/YouTube

Ekki missa af Helstu tíðindum dagsins í pósthólfið þitt

Lesa nánar

Viðskiptavinir Airbnb tóku svo sannarlega vel á móti auglýsingu sem var birt nýlega á vefsíðunni. Þar var hús í Clapham í Lundúnum auglýst til leigu og af myndunum má ráða að hér sé um sannkallaða glæsieign að ræða. Lúxusrúm, glæsilegt veggfóður, glæsilegar stofur og glansandi ljósakrónur.

Það er ansi glæsilegt. Skjáskot/YouTube
Þetta er bara eins og í ævintýri. Skjáskot/YouTube

 

 

 

 

 

 

 

 

 

 

 

 

Verðið var ekki til að skemma fyrir en nóttin var verðlögð á sem nemur um 20.000 íslenskum krónum sem þykir ekki mikið í stórborginni. En það var eitt stórt vandamál við þetta allt saman.

Það var að á bak við auglýsinguna voru YouTube-hrekkjalómarnir Archie Manners og Josh Pieters. Þeir hafa nú birt myndband á YouTube þar sem fara yfir málið og segja áhorfendum að það sé nú ekkert lúxushús sem þeir auglýstu til leigu. Þetta er dúkkuhús!

New York Post hefur eftir þeim að þeir hafi viljað blekkja þá fjölmörgu Breta sem leita sér að íbúðum og húsum til leigu á Airbnb. „Okkur Archie datt í hug að auglýsa eitt minnsta hús heims á einni stærstu vefsíðu heims,“ sagði Pieters í samtali við New York Post.

Þeir fengu dúkkuhúsið hjá Emmu Watson, sem hannaði það og smíðaði. Það er allt hið glæsilegasta eins og sjá má á meðfylgjandi myndum og ljóst að smáatriðum hefur verið gefinn góður gaumur við hönnun þess og smíði. Þar eru bækur, blóm, málverk og ljósakrónur.

Þessu féllu margir fyrir. Skjáskot/YouTube

Það var móðir Pieters, Diane, sem tók að sér hlutverk leigusalans í auglýsingunni á Airbnb en hún var með fyrirsögninni „Lúxus hús frá nítjándu öld.“

Hrekkjalómarnir gerðu eitt og annað til að gefa í skyn að hér væri um dúkkuhús að ræða. Þeir komu til dæmis ekta vatnsflösku fyrir í einum ganginum og gjafakorti á stærð við greiðslukort á baðherberginu. Í einum speglanna sést síðan spegilmynd þeirra.

Airbnb samþykkti auglýsinguna og féll þar með í sömu gildru og fjölmargir aðrir. Á örskömmum tíma bárust bókanir fyrir sem svarar til um einnar milljónar íslenskra króna.

Félagarnir hafa nú fjarlægt auglýsinguna og taka sérstaklega fram að þeir hafi ekki fengið neitt greitt frá þeim sem vildu gjarnan leigja húsið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

1,5 milljónum mynda lekið frá stefnumótaöppum

1,5 milljónum mynda lekið frá stefnumótaöppum
Pressan
Í gær

Spænska lögreglan varar ferðamenn við – Gætið ykkar á 50 evru brellunni

Spænska lögreglan varar ferðamenn við – Gætið ykkar á 50 evru brellunni
Pressan
Fyrir 2 dögum

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 2 dögum

Leynileg hernaðarskjöl fundust á götu úti í Newcastle

Leynileg hernaðarskjöl fundust á götu úti í Newcastle
Pressan
Fyrir 3 dögum

„Breaking Bad“ aðdáandi handtekinn – Tók þættina sér til fyrirmyndar

„Breaking Bad“ aðdáandi handtekinn – Tók þættina sér til fyrirmyndar
Pressan
Fyrir 3 dögum

Meðhöfundur Adolescence bregst við „fáránlegri“ kenningu sem Elon Musk hefur dreift

Meðhöfundur Adolescence bregst við „fáránlegri“ kenningu sem Elon Musk hefur dreift
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Lyklaði bíl frá Teslu og er krafinn um yfir 100 milljónir í bætur

Lyklaði bíl frá Teslu og er krafinn um yfir 100 milljónir í bætur