Frostið ógnar uppskeru í þekktustu og bestu vínframleiðsluhéruðum landsins. The Guardian segir að ríkisstjórnin sé nú að undirbúa björgunarpakka handa vínframleiðendum vegna þessa.
Vínbændur segja að vínviðurinn hafi farið illa út úr frostinu og sé algjörlega líflaus. Frostið fór niður í 6 gráður og segja sérfræðingar að þetta sé einn versti frostakaflinn á þessum árstíma áratugum saman og ekki bæti úr skák að óvenju hlýtt var vikuna á undan.
Í Rhône dalnum segja vínbændur að uppskeran verði sú slakast í 40 ár og að 80 til 90% af uppskerunni hafi eyðilagst. Í Burgundi er talið að helmingur uppskerunnar, hið minnsta, hafi eyðilagst.
Ávaxtaræktendur fóru einnig illa út úr frostinu sem og ræktendur sykurrófa og repjufræja.
