fbpx
Föstudagur 04.apríl 2025
Pressan

Þriðja bylgja heimsfaraldursins herjar á Evrópu – WHO varar Evrópuríki við

Kristján Kristjánsson
Miðvikudaginn 24. mars 2021 21:00

Verður Evrópa jaðarsett? Mynd:Getty

Ekki missa af Helstu tíðindum dagsins í pósthólfið þitt

Lesa nánar

Kórónuveirusmitum hefur fjölgað víða í Evrópu að undanförnu og hafa stjórnvöld víða þurft að grípa til þess ráðs að herða sóttvarnaaðgerðir og annars staðar hefur tilslökunum á sóttvarnaaðgerðum verið frestað. Það er helst í Danmörku sem verið er að slaka á sóttvarnaaðgerðum en ástandið er ágætt þar hvað varðar faraldurinn og virðast yfirvöld hafa stjórn á honum í augnablikinu. Alþjóðaheilbrigðismálastofnunin WHO hefur varað Evrópuríki við því að halda að bólusetning sé ávísun á að það dragi strax úr smitum.

Ástandið hefur farið versnandi í Frakklandi og hefur ríkisstjórnin nú hert sóttvarnaaðgerðir. Hún forðast að tala „lokun“ eða „innilokun“ og talar í staðinn um „þriðju leiðin“ og „að stöðva útbreiðsluna án þess að loka fólk inni“. En það skiptir ekki máli hvaða orð eru notuð því raunveruleikinn er sá að frelsi milljóna Frakka hefur nú verið heft enn frekar. Í mörgum héruðum hafa sóttvarnaaðgerðir verið hertar og þá aðallega í og við París og í héruðum í norður- og suðurhlutum landsins.  Um er að ræða aðgerðir til fjögurra vikna sem þýða að nær allar verslanir eiga að vera lokaðar og fólk má ekki fara út fyrir 10 km radíus frá heimilum sínum. Útgöngubann er í gildi um allt land og gildir það frá klukkan 19 til 06 alla daga.

Á Ítalíu hafa sóttvarnaaðgerðir verið hertar eftir mikla aukningu smita en þar er þriðja bylgja faraldursins skollin á. Það sama á við í Póllandi þar sem aðgerðir hafa verið hertar. Í febrúar fengu hótel, söfn, kvikmyndahús og leikhús að opna á nýjan leik en nú hefur þeim verið lokað aftur. Smit hafa ekki verið fleiri í landinu síðan í nóvember og aldrei hafa jafn margir COVID-19-sjúklingar verið í öndunarvélum að sögn BBC.

Þýsk yfirvöld hafa frestað afléttingu sóttvarnaaðgerða en smitum hefur farið fjölgandi í landinu að undanförnu og sagði Angela Merkel, kanslari, í síðustu viku að um veldisvöxt sé að ræða. Þjóðverjar eru hvattir til að halda sig heima um páskana. Messur verða aðeins á netinu og allar verslanir, nema matvöruverslanir, verða lokaðar. Fjöldatakmarkanir eru í gildi og mega að hámarki fimm manns frá tveimur heimilum hittast innanhúss. Það er breska afbrigðið sem tröllríður Þýskalandi þessa dagana. „Í ruan erum við að glíma við nýja veiru. Hún er miklu banvænni, miklu meira smitandi og smitar lengur,“ sagði Merkel í vikunni.

Á fréttamannafundi í síðustu viku um stöðuna í Evrópu sagði Hans Kluge, yfirmaður Evrópudeildar WHO, að „hættan sé enn mikil og til staðar“. Hann sagði að smitum fjölgi nú og færist í austur. Í þrjár vikur í röð hafi smitum fjölgað. Hann varaði Evrópubúa við að halda að bólusetningarnar séu ávísun á að hægt sé að slaka á sóttvarnaaðgerðum. „Það má enginn vafa leika á að bólusetningar, sérstaklega í ljósi þess að smitum fer fjölgandi í nokkrum löndum, koma ekki í stað lýðheilsu og samfélagslegra aðgerða,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Lést á voveiflegan hátt skömmu eftir að hafa lent í bílslysi

Lést á voveiflegan hátt skömmu eftir að hafa lent í bílslysi
Pressan
Í gær

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra
Pressan
Fyrir 2 dögum

Gæsun breyttist í martröð fyrir 27 ára tilvonandi brúði

Gæsun breyttist í martröð fyrir 27 ára tilvonandi brúði
Pressan
Fyrir 2 dögum

Yfirmaður bólusetninga í Bandaríkjunum hættir störfum

Yfirmaður bólusetninga í Bandaríkjunum hættir störfum
Pressan
Fyrir 3 dögum

Óhugnaður í Þýskalandi: Dauðaleit stendur yfir að sex ára dreng

Óhugnaður í Þýskalandi: Dauðaleit stendur yfir að sex ára dreng
Pressan
Fyrir 3 dögum

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“
Pressan
Fyrir 4 dögum

Nostradamus nútímans með hrollvekjandi spá – Heimsstyrjöld og herkvaðning

Nostradamus nútímans með hrollvekjandi spá – Heimsstyrjöld og herkvaðning
Pressan
Fyrir 4 dögum

Hún var kölluð Lafði Dauði

Hún var kölluð Lafði Dauði