fbpx
Föstudagur 25.apríl 2025
Pressan

Pólskipti segulpólanna gætu hafa gert út af við Neanderdalsmenn

Kristján Kristjánsson
Laugardaginn 27. febrúar 2021 20:00

Homo sapiens og Neanderdalsmaður. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Fyrir um 42.000 árum skiptu segulpólar jarðarinnar um stað. Það varð til þess að segulsvið jarðarinnar varð óvirkt um hríð. Þetta gæti hafa valdið því að ákveðnar breytingar urðu á umhverfinu, sólstormum og útdauða Neanderdalsmanna.

Þetta eru niðurstöður nýrrar rannsóknar. CNN skýrir frá þessu.

Segulsvið jarðarinnar verndar okkur gegn sólvindum, sem samanstanda af hlöðnum rafögnum og geislum, sem koma frá sólinni. En segulsviðið er ekki stöðugt hvað varðar styrkleika og stefnu og geta segulpólarnir skipt um stað.

Fyrir um 42.000 árum átti svokallaður Laschamp Excursion atburður sér stað en þá skiptu pólarnir um stað í um 800 ár og fóru síðan aftur á sinn gamla stað. Vísindamenn hafa fram að þessu ekki getað sagt til með fullri vissu hvaða áhrif þetta hafði.

Nú segir hópur vísindamanna frá Sydney‘s University of New South Wales og frá The South Australian Museum að pólskiptin samhliða sólvindum gæti hafa hrundið af stað miklum breytingum á náttúrunni, loftslagsbreytingum, sem leiddu til fjöldaútdauða. Vísindamennirnir rannsökuðu árhringi fornra kauri trjáa sem fundust á Nýja-Sjálandi. Þau höfðu varðveist í jarðlögum í rúmlega 40.000 ár. Með þessu gátu þeir búið til yfirlit yfir breytingar á loftslaginu.

Þeir komust að því að pólskiptin hafi orsakað loftslagsbreytingar. Jöklar og ísbreiður breiddu úr sér í Norður-Ameríku og breytingar á helstu vindabeltum og hitabeltisstormakerfum tengdust einnig pólskiptunum. Segulsvið jarðar hvarf einnig og í kjölfarið dundu agnir utan úr geimnum á jörðinni. Vísindamennirnir segja að þessi atburðir geti skýrt margar af ráðgátunum varðandi þróun lífs hér á jörðinni, þar á meðal útdauða Neanderdalsmanna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

„Hrúga af einhverju“ og rauðir blettir í illræmdu fangelsi kveiktu óhugnanlega samsæriskenningu

„Hrúga af einhverju“ og rauðir blettir í illræmdu fangelsi kveiktu óhugnanlega samsæriskenningu
Pressan
Fyrir 2 dögum

Sjúkdómurinn sem getur gert bros óbærilegt

Sjúkdómurinn sem getur gert bros óbærilegt
Pressan
Fyrir 3 dögum

Frans páfi hringdi á þennan stað á hverju einasta kvöldi

Frans páfi hringdi á þennan stað á hverju einasta kvöldi
Pressan
Fyrir 3 dögum

Viðtal við tvíburasystur vekur mikla athygli – „Topp 5 besta viðtal allra tíma“

Viðtal við tvíburasystur vekur mikla athygli – „Topp 5 besta viðtal allra tíma“
Pressan
Fyrir 4 dögum

Deilurnar um Berlín 1948–1949

Deilurnar um Berlín 1948–1949
Pressan
Fyrir 4 dögum

Martraðir gætu verið snemmbúin merki um Parkinsonssjúkdóminn

Martraðir gætu verið snemmbúin merki um Parkinsonssjúkdóminn
Pressan
Fyrir 5 dögum

Kortlagði hvenær ástarsambönd verða hættuleg – Átta stig sem leiða til morðs

Kortlagði hvenær ástarsambönd verða hættuleg – Átta stig sem leiða til morðs
Pressan
Fyrir 5 dögum

Vill þvinga kvenkyns innflytjendur til að giftast kynsveltum Bandaríkjamönnum – „Ef þið gerið það ekki, munum við senda ykkur til baka“

Vill þvinga kvenkyns innflytjendur til að giftast kynsveltum Bandaríkjamönnum – „Ef þið gerið það ekki, munum við senda ykkur til baka“