fbpx
Föstudagur 04.apríl 2025
Pressan

Öfgasinnaðir íslamistar hyggja á „fjölda árása“ þegar sóttvarnaaðgerðum verður aflétt segja SÞ

Kristján Kristjánsson
Laugardaginn 13. febrúar 2021 16:15

Franskir hermenn við Eiffelturninn. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Íslamskir öfgasinnar hafa í hyggju að gera „fjölda skipulagðra árása“ þegar sóttvarnaaðgerðum vegna heimsfaraldurs kórónuveirunnar verður aflétt. Sameinuðu þjóðirnar vara við þessum fyrirætlunum öfgasinnanna.

Í umfjöllun The Guardian um málið kemur fram að í nýrri skýrslu, sem var unnin á grunni leyniþjónustuupplýsinga frá aðildarríkjum SÞ síðustu sex mánuði, segi að hryðjuverkasamtökin sem kenna sig við Íslamska ríkið muni reyna að „binda endi á jaðarsetningu sína í fréttum“ með hrinu ofbeldisverka og skilaboða til áhangenda sinna um að eyða minni tíma á samfélagsmiðlum og eyða honum þess í stað í árásir á óvini samtakanna.

Í október hvatti Abu Hamza al-Quarshi, talsmaður samtakanna, stuðningsmenn þeirra til að „eyða minni tíma á samfélagsmiðlum og meiri í áhrifamiklar árásir“ og fleira í þeim dúr.

SÞ telja að heimsfaraldurinn skapi umtalsverð tækifæri fyrir öfgasinnaða Íslamista til að láta að sér kveða og styrkja stöðu sína á svæðum þar sem þau hafa nú þegar komið sér vel fyrir. Lítil hætta sé fyrir hendi á svæðum þar sem átök standa ekki yfir, til dæmis í Evrópu.

Íslamskir öfgahópar hafa brugðist mismunandi við heimsfaraldrinum, sumir hafa reynt að nýta sér hann til að gera árásir en aðrir hafa einbeitt sér að því að afla sér aukins stuðnings á heimaslóðu. Íslamska ríkið sagði í fréttabréfi sínu, al-Naba, að kórónuveiran væri refsing frá „krossfaraþjóðunum“ og hvatti til árása á Vesturlönd þegar dregur úr áhrifum heimsfaraldursins.  En það er ákveðin mótsögn í þessu því í sama fréttabréfi hafa birst langar greinar um að það sé rangt fyrir múslima að telja að þeir sleppi við heimsfaraldurinn.

Al-Kaída birti sex blaðsíðna ráðleggingar og athugasemdir um heimsfaraldurinn og sagði að hann hafi haft slæm áhrif á allan heiminn og að það sé múslimum sjálfum að kenna að faraldurinn hafi lagst á þá, það sé vegna siðferðilegrar hnignunar og spillingar sem sé algeng í ríkjum múslima.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra
Pressan
Í gær

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 3 dögum

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Hún var kölluð Lafði Dauði

Hún var kölluð Lafði Dauði
Pressan
Fyrir 4 dögum

Ný gögn frá NASA benda til að við eigum heima í svartholi

Ný gögn frá NASA benda til að við eigum heima í svartholi