Sænski hjúkrunarfræðingurinn Lisa Enroth hefur verið valin til að vera eini áhorfandinn á kvikmyndahátíðinni í Gautaborg þetta árið. Hún mun eyða einni viku á eyjunni Pater Noster og horfa á hverja kvikmyndina á fætur annarri.

Kvikmyndahátíðin í Gautaborg er stærsta kvikmyndahátíðin á Norðurlöndunum og hún mun fara fram á árinu þrátt fyrir að heimsfaraldur herji á heimsbyggðina. Hún verður þó flutt til eyjunnar Pater Noster og aðeins Lisa fær að vera viðstödd. Hún var valin úr hópi 12.000 umsækjenda.

Pater Noster er þekkt fyrir vitana en eyjan er anski afskekkt. „Vindurinn, hafið, tækifæri til að vera hluti af einstökum raunveruleika í eina viku – þetta heillar allt,“ sagði Enroth sem mun halda vídeódagbók sem verður birt daglega á vefsíðu hátíðarinnar. The Guardian skýrir frá þessu.