En þegar þeim var sagt að það myndi kosta þá sem nemur um 6.000 íslenskum krónum að taka appelsínurnar með sem yfirvigt þá voru góð ráð dýr. Þeir leystu málið hið snarasta með því að borða allar appelsínurnar. Global Times skýrir frá þessu.
Fjórmenningarnir voru ekki lengi að innbyrða allar appelsínurnar. „Við stóðum bara þarna og borðuðum þær allar. Það tók 20 til 30 mínútur,“ sagði einn fjórmenninganna.
Þeir sluppu því við að greiða fyrir yfirvigt en þetta var samt ekki alveg sársaukalaust fyrir þá. Sýran í appelsínunum gerði að verkum að þeir fengu stór sár í munninn og einn þeirra segist hafa fengið nóg af appelsínum fyrir lífstíð.
