fbpx
Föstudagur 04.apríl 2025
Pressan

Bóluefnafrystir bilaði og 1.600 skammtar voru í hættu – Mörg hundruð manns mættu í von um að fá bólusetningu

Kristján Kristjánsson
Mánudaginn 1. febrúar 2021 07:05

Löng röð myndaðist við sjúkrahúsið. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Síðasta fimmtudagskvöld og aðfaranótt föstudags má segja að öngþveiti hafi ríkt við UW Medical Center sjúkrahúsið í Seattle í Bandaríkjunum. Frystir, sem bóluefni gegn kórónuveirunni er geymt í, bilaði þá og var hætta á að 1.600 skammtar af bóluefni myndu eyðileggjast. Þá hófst kapphlaup við tímann.

Mörg hundruð manns fréttu af þessu og mættu á staðinn í þeirri von að fá bólusetningu. Bóluefni frá Moderna var geymt í frystinum. Um leið og kom í ljós að hann var bilaður var kallað á heilbrigðisstarfsfólk, slökkviliðsmenn og fleiri til að fá bólusetningu svo bóluefnið færi ekki til spillis en það verður ónýtt ef það er ekki geymt við nægilega mikið frost.

„Ég fékk að vita að frystirinn væri bilaður klukkan níu á fimmtudagskvöldið og var spurð hvort ég gæti hjálpað til við að bólusetja fólk áður en skammtarnir eyðilegðust,“ sagði Jenny Bracket í samtali við Seattle Times. Hún starfar á sjúkrahúsinu og var meðal þeirra sem unnu alla nóttina við að bólusetja fólk. Verkefni hennar fólst í að finna fólk í röðinni, fyrir utan sjúkrahúsið, sem átti að fá sprautu. Þar var fólk, 65 ára og eldra, valið úr til að fá sprautu en margir yngri urðu að snúa vonsviknir frá.

Cassie Sauer, framkvæmdastjóri opinberra sjúkrahúsa í Seattle, sagði að frystirinn hafi bilað á versta tíma en strax hafi verið ákveðið að koma öllu bóluefninu strax í notkun. Hún sagði jafnframt að tryggt verði að þeir sem fengu sprautu þessa nótt fái skammt númer tvö á tilsettum tíma.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra
Pressan
Í gær

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 3 dögum

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Hún var kölluð Lafði Dauði

Hún var kölluð Lafði Dauði
Pressan
Fyrir 4 dögum

Ný gögn frá NASA benda til að við eigum heima í svartholi

Ný gögn frá NASA benda til að við eigum heima í svartholi