Robert J. Contee, lögreglustjóri í Washington D.C. staðfesti fyrir stundu að fjórir hafi látist í áhlaupinu á bandaríska þinghúsið, Capitol Hill, í gær. Einörð stuðningskona Donald Trump, forseta, var skotin í hálsinn þegar hún réðist inn í þinghúsið ásamt fleiri mótmælendum. Hún lést af völdum áverka sinna. Auk hennar létust þrír til viðbótar en allir af völdum bráðra veikinda að sögn Contee. Virðist fólkið því ekki hafa látist af völdum áverka.

Contee sagði að 52 hafi verið handteknir. Að minnsta kosti 14 lögreglumenn slösuðust í óeirðunum, tveir þeirra liggja nú á sjúkrahúsi. Annar þeirra er mikið slasaður en æstur múgurinn náði tökum á hann og dró hann inn í mannþröngina þar sem honum var misþyrmt. Hinn hlaut slæma áverka í andlit.

Muriel Bowser, borgarstjóri í Washington D.C. tilkynnti í nótt að neyðarástand muni ríkja í borginni næstu 15 daga og verður það því í gildi þegar Joe Biden verður settur í embætti. Bowser setti á útgöngubann í 12 klukkustundir í gær og tók það gildi klukkan 18 að staðartíma. Með því að lýsa yfir neyðarástandi getur hún sett útgöngubann á nýjan leik ef þörf krefur.