fbpx
Föstudagur 25.apríl 2025
Pressan

Nýjasta útspil Trump vekur áhyggjur af lýðræðinu í Bandaríkjunum

Kristján Kristjánsson
Föstudaginn 25. september 2020 03:51

Donald Trump fyrrum Bandaríkjaforseti.

Ekki missa af Helstu tíðindum dagsins í pósthólfið þitt

Lesa nánar

Á fréttamannafundi í Hvíta húsinu á miðvikudagskvöldið sáði Donald Trump, Bandaríkjaforseti, einn einu sinni efa um hvort hann muni láta friðsamlega af völdum ef svo fer að hann tapi fyrir Joe Biden í forsetakosningunum þann 3. nóvember næstkomandi.

Fréttamaður spurði hann þá hvort hann myndi láta friðsamlega af völdum og afhenda Biden völdin.

„Við verðum að bíða og sjá hvað gerist,“

var svar Trump.

Svarið hefur vakið miklar áhyggjur marga stjórnmálamanna. Joe Biden sagði á fréttamannafundi að hann væri „orðlaus“ yfir þessu.

„Í hvaða landi erum við?“ Ég meina, hann segir óskynsamlega hluti,“

sagði Biden.

Einnig hafa margir þingmenn bent á að það sé mikið vandamál fyrir lýðræðið að forsetinn hafi opnað á þann möguleika að hafna niðurstöðum kosninganna.

„Það er svona sem lýðræðið deyr: Forseti sem heldur svo örvæntingarfullur í völdin að hann vill ekki láta af völdum friðsamlega,“

skrifaði Adam Schiff, Demókrati og formaður leyniþjónustunefndar fulltrúadeildar Bandaríkjaþings, á Twitter.

Mitt Romney, öldungardeilarþingmaður úr Repúblikanaflokknum, sagði einnig sína skoðun í tísti á Twitter:

„Það er mikilvægt fyrir lýðræðið að völdin séu afhent á friðsamlegan hátt. Án þess erum við Hvíta-Rússland. Sérhvert merki um að forsetinn geti ekki virt þessa stjórnarskrávörðu tryggingu er óhugsandi og óásættanleg,“

skrifaði hann.

Trump hefur margoft sagt að mörg atkvæði greidd bréfleiðis hafi kosningasvindl í för með sér og verði til þess að niðurstöðurnar verði Demókrötum í vil. Þessu hafa kjörstjórnir vísað á bug og segja að bréf, greidd bréfleiðis, séu alveg jafn örugg eða jafnvel öruggari en atkvæði greidd með hefðbundnum hætti.

Í gær blandaði Mitch McConnell, leiðtogi Repúblikana í öldungadeild þingsins, sér í málið og sagði öruggt að valdaskipti muni fara fram á eðlilegan hátt.

„Sigurvegari kosninganna 3. nóvember verður settur í embætti 20. janúar. Það verða heiðvirð valdaskipti, nákvæmlega eins og þau hafa verið fjórða hvert ár frá 1792,“

skrifaði hann á Twitter í gær og fór þannig gegn orðum Trump flokkbróður síns.

Talsmaður Hvíta hússins tók í sama streng í gærkvöldi og sagði að valdaskipti muni fara fram með venjulegum hætti ef Trump tapar kosningunum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Ritstjórn stórblaðs segir að Trump hafi nú bætt gráu ofan á svörtustu efnahagsmistök síðari ára

Ritstjórn stórblaðs segir að Trump hafi nú bætt gráu ofan á svörtustu efnahagsmistök síðari ára
Pressan
Fyrir 2 dögum

Frans páfi hringdi á þennan stað á hverju einasta kvöldi

Frans páfi hringdi á þennan stað á hverju einasta kvöldi
Pressan
Fyrir 3 dögum

Sæðisrugl – Eignuðust 25-75 börn vegna skorts á reglum

Sæðisrugl – Eignuðust 25-75 börn vegna skorts á reglum
Pressan
Fyrir 3 dögum

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu
Pressan
Fyrir 5 dögum

Hver voru fórnarlömb Gilgo Beach morðingjans? – Þetta eru konurnar 7 sem Rex Heuermann er ákærður fyrir að hafa myrt

Hver voru fórnarlömb Gilgo Beach morðingjans? – Þetta eru konurnar 7 sem Rex Heuermann er ákærður fyrir að hafa myrt
Pressan
Fyrir 5 dögum

1968 ár stórra atburða: Stúdentauppreisn, geimferðir, stríð og morð

1968 ár stórra atburða: Stúdentauppreisn, geimferðir, stríð og morð