Niðurstöður rannsóknarinnar hafa verið birtar í vísindaritinu Nature. Fram kemur að þessi hækkun sjávarðborðs muni eiga sér stað á löngum tíma og taka áratugi. En það er nánast útilokað að hægt verði að bæta skaðann vegna þess hvernig Suðurskautið bráðnar.
Þótt það takist að lækka meðalhitann á nýjan leik eftir að tveggja gráðu hækkuninni verður náð mun ísinn ekki ná fyrri þykkt. Það er vegna þess hvernig bráðnunin nú á sér stað.
„Þeim mun meira sem við lærum um Suðurskautið, þeim mun alvarlegri verða spádómar okkar,“
segir Anders Levermann, einn höfunda rannsóknarinnar, sem starfar við Potsdam Institute for Climate Impact Research.
„Bráðnun Suðurskautsins mun hækka yfirborð heimshafanna gríðarlega, jafnvel þótt við uppfyllum ákvæði Parísarsáttmálans. Afleiðingarnar verða hörmulegar ef við uppfyllum ekki ákvæði Parísarsáttmálans,“
sagði hann einnig.
Ísbreiðan á Suðurskautinu hefur verið þar í 34 milljónir ára en það er á tíma núverandi kynslóða sem örlög hennar ráðast.
„Okkar verður minnst sem þeirra sem settu New York á kaf,“
sagði Levermann í kaldhæðni.
The Guardian skýrir frá þessu.
