fbpx
Laugardagur 26.apríl 2025
Pressan

Umhyggjusöm eiginkonan færði manninum mat – Ekki var allt sem sýndist

Kristján Kristjánsson
Mánudaginn 14. september 2020 07:00

Maðurinn er mikill sælkeri og sólginn í kökur.

Ekki missa af Helstu tíðindum dagsins í pósthólfið þitt

Lesa nánar

Á síðari árshelmingi 2018 var karlmaður á sjötugsaldri lagður inn á þrjú sjúkrahús í Danmörku. Meðan á innlögnunum stóð gerðist það reglulega að ástand hans snarversnaði og hann var í lífshættu.

Maðurinn er gefinn fyrir góðan mat og sætindi og því færði, að því er virtist umhyggjusöm eiginkonan, honum oft kökur og eftirrétti þegar hún kom í heimsókn. Hjónin hafa verið gift í 45 ár. En ekki var allt sem sýndist því góðgætið var fyllt með vöðvaslakandi efni og virðist því sem umhyggjusama eiginkonan hafi ætlað að myrða eiginmanninn.

Þetta telur ákæruvaldið að minnsta kosti og var ákæra gefin út á hendur konunni á síðasta ári. Dómstóll í Sønderborg dæmdi konuna, sem nú er 66 ára, í sjö ára fangelsi fyrir morðtilraunir. Hún hefur alltaf neitað sök og áfrýjaði dómnum strax til Vestri-Landsréttar sem tekur málið fyrir í dag.

Í umfjöllun Ekstra Bladet kemur fram að í lok júlí 2018 hafi maðurinn verið lagður inn á sjúkrahúsið í Sønderborg. Tveimur mánuðum síðar var hann fluttur á Háskólasjúkrahúsið í Óðinsvéum og mánuði síðar á Ríkissjúkrahúsið í Kaupmannahöfn.

Á öllum þremur sjúkrahúsunum gerðist það að ástand mannsins versnaði til mikilla muna. Oft missti hann meðvitund og heilastarfsemin var í lágmarki og var hann í lífshættu segir í ákærunni.

Lækna á Ríkissjúkrahúsinu fór að gruna að þessi slæma heilsa mannsins tengdist heimsóknum eiginkonu hans og góðgætinu sem hún hafði meðferðis. Þegar hann missti meðvitund eftir heimsókn konunnar í nóvember tóku læknarnir mörg sýni af því sem var í maga hans, þvagi og blóði. Rannsóknir á sýnunum leiddu í ljós að efnið baclofen var í líkama hans en það er vöðvaslakandi efni sem er lífshættulegt í miklu magni. Vakt var sett upp við sjúkrabeð mannsins og hætti hann þá að fá svona alvarleg köst.

Að sögn mannsins og dóttur þeirra hjóna þá fékk eiginkonan lyfið bacoflen vegna þess að hún þjáist af Parkinsonssjúkdómnum. Það kom þeim því mjög á óvart, þegar málið var tekið fyrir í undirrétti í Sønderborg, þegar fram kom að hún væri ekki með Parkinsonssjúkdóminn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Varnarmálaráðherra fær blauta tusku í andlitið frá fyrrum samstarfsfélaga á Fox-fréttastofunni

Varnarmálaráðherra fær blauta tusku í andlitið frá fyrrum samstarfsfélaga á Fox-fréttastofunni
Pressan
Fyrir 3 dögum

Dómsdagsmamman sakfelld fyrir annað morð

Dómsdagsmamman sakfelld fyrir annað morð
Pressan
Fyrir 4 dögum

Sæðisrugl – Eignuðust 25-75 börn vegna skorts á reglum

Sæðisrugl – Eignuðust 25-75 börn vegna skorts á reglum
Pressan
Fyrir 4 dögum

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu
Pressan
Fyrir 5 dögum

Starfaði áratugum saman fyrir CIA og trúir því að Hitler hafi ekki látið lífið í neðanjaðarbyrginu – „Ef þú ætlaðir að fela Hitler, þá myndir þú gera það þarna“

Starfaði áratugum saman fyrir CIA og trúir því að Hitler hafi ekki látið lífið í neðanjaðarbyrginu – „Ef þú ætlaðir að fela Hitler, þá myndir þú gera það þarna“
Pressan
Fyrir 5 dögum

Fékk fjölskylduauðinn í arf þegar faðir hans lést – Síðan komst upp um hann

Fékk fjölskylduauðinn í arf þegar faðir hans lést – Síðan komst upp um hann