The New York Post skýrir frá þessu. Síðdegis á föstudeginum fannst Oliva látin í skóglendi nærri heimili föður hennar. Hann var handtekinn skömmu síðar, grunaður um að hafa myrt hana.
Samkvæmt frétt KMBC þá höfðu afi og amma Oliva margoft leitað til barnaverndarnefndar vegna ástandsins sem Olivia bjó við. Þau segja að faðir hennar hafi meðal annars pyntað hana.
Unnusta föðursins hefur einnig verið handtekin en hún er grunuð um að hafa stefnt lífi Olivia í hættu.
The Kansas City Star hefur eftir ömmu Olivia að hún gleðjist yfir að faðirinn verði ákærður fyrir morð af yfirlögðu ráði og telji einnig rétt að refsa unnustu hans fyrir það sem litla stúlkan þurfti að ganga í gegnum.
Fjöldi fólks safnaðist saman við dómhúsið þegar krafa lögreglunnar um gæsluvarðhald yfir parinu var tekin fyrir. Fólkið krafðist þess að réttlætið næði fram að ganga fyrir hönd Olivia.
Fjöldi fólks hefur lagt leið sína í skóginn, þar sem lík Olivia fannst, og lagt blóm og bangsa á staðinn til að minnsta hennar.
