Bandaríski akstursíþróttamaðurinn Bubba Wallace varð fyrir óþægilegri upplifun síðdegis á sunnudaginn. Þá fannst hengingaról í bílskúr hans í Talladega. Wallace er svartur og því er talið að hengingarólin sé einhverskonar hótun í hans garð vegna litarháttar hans. Hengingarólar hafa stundum verið notað til að reyna að hræða litað fólk en áður fyrr tíðkaðist að svart fólk var hengt án dóms og laga af kynþáttahöturum.

Wallace keppir í Nascar og þar á bæ er málið tekið mjög alvarlega og lítur Nascar á málið sem tákn um kynþáttahatur.

Í tilkynningu frá Nascar segir að rannsókn sé hafin á málinu og að allt verði gert sem hægt er til að hafa uppi á þeim sem bera ábyrgð á þessu.

NASCAR statement: A noose was found in Bubba Wallace’s garage stall today at Talladega.
NASCAR is investigating. pic.twitter.com/dGYFYryVES

— Marty Smith (@MartySmithESPN) June 22, 2020

Wallace hefur verið nokkuð áberandi að undanförnu í Bandaríkjunum í baráttunni gegn kynþáttahatri og hefur nýtt sér stöðu sína sem þekktur einstaklingur til að koma boðskap sínum á framfæri.

Hann hefur sjálfur tjáð sig um málið á Twitter og fordæmt það.

pic.twitter.com/koL655AJB9

— Bubba Wallace (@BubbaWallace) June 22, 2020

„Atburður dagsins fyllir mig sorg og þetta er sársaukafull áminning um hversu langt við sem samfélag eigum í land í baráttunni gegn kynþáttahatri.“

Alríkislögreglan FBI skýrði frá því í dag að ekki væri um kynþáttahatur að ræða. Snaran hafi verið mjög lengi í bílskúrnum og hafi ekki verið sett þar í tengslum við notkun Wallace á honum.