Þegar sturtað er niður getur ský kórónuveirudropa myndast og næsti notandi klósettsins gæti andað því að sér og breytt þannig út smit, niðurstöður nýrrar rannsóknar vara við þessu. Eðlisfræðingar sem sérhæfa sig í eiginleikum vökva, vara við þessari smitleið í kjölfar þess að kórónuveiruagnir fundust í saur smitaðra.

Hættan á því að COVID-19 smitist við almenna notkun salerna gæti haft áhrif á opnun vinnustaða, veitingastaða og bara, þegar heimurinn fer aftur í gang eftir lokun.

Samkvæmt vísindamönnunum þýðir það ekkert endilega að allt innihald klósettsins yfirgefi svæðið að sturtað sé niður. Hin mikla hreyfing sem verður á vatninu þegar sturtað er, getur aftur á móti orðið til þess að dreifa bakteríum og vírusum. Almenningur virðist þó ekki vita af þessari smitleið.

Nákvæm tölvumódel voru notið til þess að líkja eftir vatni og lofti í klósetti þegar sturtað er og því dropaskýi sem myndast. Rannsókn þessi birtist í tímaritinu Physics og Fluids. Rannsóknin sýndi að þegar vatnið flæðir í klósettskálina myndast hvirflar sem lyfta örsmáum dropum í allt að metra hæð. Miklar líkur eru á því að fólk andi þessum dropum að sér eða að þeir setjist á yfirborð hluta á salerninu. Droparnir eru svo litlir að þeir geta svifið um í meira en mínútu.

Til þess að draga úr þessu fyrir þetta vandamáli er fólki bent á að loka klósettinu áður en sturtað er. Vísindamennirnir hvetja til þess að hönnuð verði betri klósett sem lokast sjálfkrafa áður en sturtað er.