fbpx
Þriðjudagur 29.apríl 2025
Pressan

Magn mótefnis gegn kórónuveirunni dregst hratt saman eftir smit

Kristján Kristjánsson
Miðvikudaginn 4. nóvember 2020 17:01

COVID-19 sýni rannsökuð. Mynd:EPA-EFE/STEPHANIE LECOCQ

Ekki missa af Helstu tíðindum dagsins í pósthólfið þitt

Lesa nánar

Niðurstöður nýrrar rannsóknar benda til að magn mótefna gegn kórónuveirunni, sem veldur COVID-19, minnki „frekar hratt“ eftir að fólk smitast. Mótefni eru stór og mikilvægur hluti af vörnum ónæmiskerfis líkamans og koma í veg fyrir að veiran komist inn í frumur líkamans.

BBC skýrir frá þessu. Fram kemur að vísindamenn við The Imperial College London hafi komist að því að þeim sem mældust með mótefni hafi fækkað um 26% frá júní og fram í september. Þeir segja að ónæmi fólk virðist því minnka og hætta sé á að fólk smitist aftur af veirunni.

350.000 Englendingar hafa takið þátt í REACT-2 rannsókninni en í henni eru mótefni gegn veirunni mæld. Í fyrstu lotu hennar, sem stóð yfir síðustu dagana í júní og fyrstu dagana í júlí, mældust 60 af hverjum 1.000 með mótefni. Í september lotunni mældust aðeins 44 af hverjum 1.000 með mótefni. Þetta bendir til að fólki, með mótefni, hafi fækkað um rúmlega fjórðung frá því í sumar og fram á haust.

„Ónæmið minnkar hratt, nú eru aðeins þrír mánuðir síðan við tókum fyrstu sýnin og nú þegar sjáum við 26% samdrátt í mótefnum,“

er haft eftir Helen Ward, prófessor, sem vann að rannsókninni.

Samdrátturinn var meiri hjá fólki eldra en 65 ára en í yngri hópum og það sama átti við hjá þeim sem fengu engin sjúkdómseinkenni.

Fjöldi þeirra heilbrigðisstarfsmanna, sem eru með mótefni, reyndist vera frekar mikill og telja vísindamennirnir að það geti tengst því að þeir séu reglulega útsettir fyrir veirunni.

Ekki er enn ljóst hvaða áhrif það hefur á ónæmi að mótefni minnka. Aðrir hlutar ónæmiskerfisins, til dæmis T-frumur, gegna einnig mikilvægu hlutverki í vörnum líkamans. T-frumur drepa sýktar frumur og fá aðrar frumur í ónæmiskerfinu til aðstoðar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Hófdrykkjufólk er í aukinni hættu á að fá krabbamein og hjarta- og æðasjúkdóma

Hófdrykkjufólk er í aukinni hættu á að fá krabbamein og hjarta- og æðasjúkdóma
Pressan
Fyrir 2 dögum

Ekki henda lónni úr þurrkaranum – Hún getur komið að góðu gagni

Ekki henda lónni úr þurrkaranum – Hún getur komið að góðu gagni
Pressan
Fyrir 4 dögum

„Hann veifaði lögfræðigráðu sinni og peningum eins og sverði og skildi til að kúga og þagga niður í þolendum sínum.“

„Hann veifaði lögfræðigráðu sinni og peningum eins og sverði og skildi til að kúga og þagga niður í þolendum sínum.“
Pressan
Fyrir 4 dögum

Faðir skaut níðing sonar síns til bana í beinni útsendingu – Nú opnar sonurinn sig um málið

Faðir skaut níðing sonar síns til bana í beinni útsendingu – Nú opnar sonurinn sig um málið
Pressan
Fyrir 4 dögum

Mikil fækkun á komum erlendra ferðamanna til Bandaríkjanna

Mikil fækkun á komum erlendra ferðamanna til Bandaríkjanna
Pressan
Fyrir 4 dögum

Hundur bjargaði tveggja ára dreng sem ráfaði næturlangt í óbyggðum innan um ljón

Hundur bjargaði tveggja ára dreng sem ráfaði næturlangt í óbyggðum innan um ljón