fbpx
Föstudagur 25.apríl 2025
Pressan

Bóksalinn frá Brønshøj dæmdur til dauða

Kristján Kristjánsson
Þriðjudaginn 3. nóvember 2020 05:25

Said Mansour betur þekktur sem bóksalinn frá Brønshøj.

Ekki missa af Helstu tíðindum dagsins í pósthólfið þitt

Lesa nánar

Said Mansour, einnig þekktur sem „Bóksalinn frá Brønshøj“ var sviptur dönskum ríkisborgararétti eftir hryðjuverkamál árið 2015. Hann var þá sakfelldur fyrir að hvetja til hryðjuverka og heilags stríðs.  Landsréttur svipti hann ríkisborgararétti og dæmdi hann í fjögurra ára fangelsi og að honum skyldi vísað úr landi fyrir fullt og allt. Hæstiréttur staðfesti þennan dóm síðar.

Í janúar á síðasta ári var hann framseldur til Marokkó en yfirvöld þar höfðu lengi haft hug á að fá hann framseldan vegna gruns um aðild hans að hryðjuverkum þar í landi. Í tengslum við framsalið lýsti Mansour yfir áhyggjum um líf sitt. Inger Støjberg, þáverandi ráðherra útlendingamála, sagði þá að dönsk stjórnvöld hefðu fengið tryggingu frá stjórnvöldum í Marokkó um að öryggi Mansour yrði tryggt.

En nú hefur Mansour verið dæmdur til dauða í Marokkó. Þetta staðfesti útlendingamálaráðuneytið í tölvupósti til danskra fjölmiðla um helgina en áður höfðu borist fréttir af fréttum fjölmiðla í Marokkó um dóminn. Í þeim kemur fram að hann hafi verið sakfelldur fyrir hryðjuverk í Casablanca 2003 sem kostaði 45 manns lífið.

Inger Støjberg. Mynd:EPA/OLIVIER HOSLET

Í tilkynningu útlendingamálaráðuneytisins kemur fram að dómnum hafi verið áfrýjað og að dönsk yfirvöld eigi ekki von á að dómnum verði fullnægt en frá 1993 hefur dauðadómum ekki verið framfylgt þar í landi.

Mansour er sextugur. Hann kom til Danmerkur frá Marokkó 1984 og fékk danskan ríkisborgararétt 1988.

Málið er vandræðalegt fyrir dönsk stjórnvöld sem höfðu fengið loforð frá stjórnvöldum í Marokkó um að Mansour yrði ekki dæmdur til dauða. Dómurinn þýðir að Danir brutu gegn ákvæðum mannréttindasáttmála sem leggja blátt bann við framsali til ríkja þar sem viðkomandi á dauðadóm yfir höfði sér, skiptir þá engu að Mansour hafði verið sviptur dönskum ríkisborgararétti áður.  Inger Støjberg vildi ekki mæta í viðtal hjá fjölmiðlum í gær en sagði í skilaboðum sem hún sendi Danska ríkisútvarpinu: „Ég hef ekki saknað hans“.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Frans páfi hringdi á þennan stað á hverju einasta kvöldi

Frans páfi hringdi á þennan stað á hverju einasta kvöldi
Pressan
Fyrir 2 dögum

Viðtal við tvíburasystur vekur mikla athygli – „Topp 5 besta viðtal allra tíma“

Viðtal við tvíburasystur vekur mikla athygli – „Topp 5 besta viðtal allra tíma“
Pressan
Fyrir 2 dögum

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu
Pressan
Fyrir 3 dögum

Fékk 68 milljónir í vasapeninga á mánuði frá tengdamömmu sinni – Vildi meira

Fékk 68 milljónir í vasapeninga á mánuði frá tengdamömmu sinni – Vildi meira
Pressan
Fyrir 4 dögum

Kortlagði hvenær ástarsambönd verða hættuleg – Átta stig sem leiða til morðs

Kortlagði hvenær ástarsambönd verða hættuleg – Átta stig sem leiða til morðs
Pressan
Fyrir 4 dögum

Vill þvinga kvenkyns innflytjendur til að giftast kynsveltum Bandaríkjamönnum – „Ef þið gerið það ekki, munum við senda ykkur til baka“

Vill þvinga kvenkyns innflytjendur til að giftast kynsveltum Bandaríkjamönnum – „Ef þið gerið það ekki, munum við senda ykkur til baka“