Sky News skýrir frá þessu. Krebs var yfirmaður Cybersecurity and Infrastructure Agency (CISA). Trump hafði ekki fyrir að hafa samband við Krebs heldur tilkynnti um brottreksturinn á Twitter.
„Nýleg yfirlýsing Chris Krebs um öryggið í kosningunum var mjög röng. Það voru miklar rangfærslur og svik – þar á meðal að látið fólk kaus. Eftirlitsmenn fengu ekki aðgang að talningarstöðum, villur í kosningavélum sem breyttu atkvæðum Trump í atkvæði handa Biden, atkvæði bárust of seint og fleira. Af þessum sökum hefur Chris Krebs verið leystur frá störfum sem forstjóri Cybersecurity and Infrastructure Security Agency“, skrifaði forsetinn.
Krebs, sem var settur í stöðuna 2016 af Trump, birti í gær skýrslu þar sem vitnað var í tæplega 60 sérfræðinga í öryggismálum kosninga sem sögðu að engar trúverðugar sannanir hefðu komið fram um kosningasvik. Hann hefur margoft neitað þeim fullyrðingum Trump að rangt hafi verið haft við í kosningunum og sagði í síðustu viku: „Kosningarnar þann 3. nóvember voru þær öruggustu í bandarískri sögu.“
Krebs frétti af uppsögninni á Twitter og tísti þá: „Það var heiður að sinna starfinu. Við gerðum það rétta. Verjum daginn í dag. Tryggjum morgundaginn. #Protect2020.“
