Betfair Exchange er vettvangur þar sem fólk finnur aðra sem vilja leggja undir á móti því. CNN skýrir frá þessu og segir að forsetakosningarnar hafi verið stærsti einstaki viðburðurinn í sögu síðunnar til þessa.
CNN segir að eftir því sem talsmaður Betfair hafi sagt í gær þá verði vinningurinn greiddur út þegar úrslit kosninganna hafa verið staðfest opinberlega en enn sem komið er eru það aðeins fréttastofur sem hafa útnefnt Joe Biden sem sigurvegara kosninganna.
Að öllu jöfnu eru vinningar greiddir til vinningshafa eftir að fjölmiðlar skýra frá úrslitum kosninga og ræðu þess frambjóðanda sem tapar. En nú er staðan önnur því Donald Trump, sem tapaði í kosningunum, þráast við að játa sig sigraðan og heldur áfram að láta lögmenn sína reyna að finna einhverjar lagalegar leiðir til að hann geti setið áfram á forsetastólnum næstu fjögur árin.
