fbpx
Sunnudagur 27.apríl 2025
Pressan

Óvænt uppgötvun Voyager 2 utan sólkerfisins

Kristján Kristjánsson
Sunnudaginn 1. nóvember 2020 22:00

Voyager 2.

Ekki missa af Helstu tíðindum dagsins í pósthólfið þitt

Lesa nánar

Þegar Voyager 2 var skotið á loft 1977 stóð eiginlega bara til að geimfarið myndi fljúga fram hjá fjórum ystu plánetunum í sólkerfinu okkar. Að því loknu væri verkefni geimfarsins lokið því Bandaríkjaþing vildi ekki veita meira fé til verkefnisins. En það hélt ekki aftur af vísindamönnum hjá bandarísku geimferðastofnuninni NASA.

Með mikilli leynd skipulögðu þeir ferð Voyager 2 þannig að geimfarið gæti haldið áfram og haldið út fyrir sólkerfið þegar það hefði farið fram hjá ystu plánetunni. Það er enn á ferð og færist fjær jörðinni með hverri sekúndunni.

Þar hefur geimfarið gert merka uppgötvun. Vísindamenn höfðu reiknað með að eftir því sem Voyager kæmi lengra út fyrir sólkerfið myndi þéttleiki agna minnka en það er ekki þannig. Það er meira gas þar sem geimfarið er núna en í sjálfu sólkerfinu og hafa vísindamenn enga skýringu á þessu.

Tvær skýringar eru helst taldar koma til greina. Önnur er að það sé kannski meira af efni í hinum tóma geimi utan sólkerfisins en í því af því að sólkerfið er á hreyfingu eins og öll önnur sólkerfi í Vetrarbrautinni. Sólkerfin snúast um miðju Vetrarbrautarinnar en þar er svarthol sem togar í allt sem er nærri því. Kenningin er að sólkerfin skilji eftir sig efni þegar þau geystast um himingeiminn, svona svipað og flugvélar skilja rákir eftir sig á himninum.

Hin skýringin er að segulsvið sólarinnar og Interstellar space (svæðið á milli sólkerfa) rekist saman þar sem sólkerfið endar. Við það ýtist rafeindir út af braut sinni og myndi þannig svæði þar sem er minna efni. Þetta þýðir að það er eiginlega ekki meira af efni utan sólkerfisins en að það sé aðeins minna af efni á svæðinu á milli sólkerfisins og Insterstellar space vegna segulsviðanna. Ef þessi kenning er rétt þá fáum við það staðfest þegar Voyager 2 kemur lengra út í tómið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Faðir skaut níðing sonar síns til bana í beinni útsendingu – Nú opnar sonurinn sig um málið

Faðir skaut níðing sonar síns til bana í beinni útsendingu – Nú opnar sonurinn sig um málið
Pressan
Fyrir 2 dögum

Hentu óvart listaverki eftir Andy Warhol

Hentu óvart listaverki eftir Andy Warhol
Pressan
Fyrir 4 dögum

„Hrúga af einhverju“ og rauðir blettir í illræmdu fangelsi kveiktu óhugnanlega samsæriskenningu

„Hrúga af einhverju“ og rauðir blettir í illræmdu fangelsi kveiktu óhugnanlega samsæriskenningu
Pressan
Fyrir 5 dögum

Sjúkdómurinn sem getur gert bros óbærilegt

Sjúkdómurinn sem getur gert bros óbærilegt
Pressan
Fyrir 5 dögum

Frans páfi hringdi á þennan stað á hverju einasta kvöldi

Frans páfi hringdi á þennan stað á hverju einasta kvöldi
Pressan
Fyrir 5 dögum

Viðtal við tvíburasystur vekur mikla athygli – „Topp 5 besta viðtal allra tíma“

Viðtal við tvíburasystur vekur mikla athygli – „Topp 5 besta viðtal allra tíma“